Assembly-ah Public Accounts Committee 6th Report pharh

Aizawl | August 27, 2025: Vawiin khan Public Accounts Committee (PAC) Chairman Lalchhandama Ralte chuan PAC 6th Report on Actions Taken By the Government Against the Recommendations contained in the twelfth Report of the Public Accounts Committee in the Ninth Assembly chu House ah a present.

He sixth Report of PAC hi CAG audit Report 2018 - 2019 a para 3.3 a Tourism Department hnuaia State Institute of Hotel Management sakna tura Tourism Department in PWD hnena a hlan chhawn ₹8 crore hmanga a sak tawh building “Idle Expenditure” ti a Report a rawn lang chungchang ah PAC in Main Report a lo present tawh Department lamin hma an lakna zulzui a Action Taken Report a ni a. PAC Report a tarlan a lo nih tawh danin ₹2 crore SIHM hmanrua (equipments) leinan hman a lo nih leh tawh bakah Department in enkawlnan sum engemaw zat a lo hmang tawh a. SIHM building hi outsource tuma Department hmalakna chu Ministry lam remtihna lak kawngah harsatna an neih thu te PAC report ah tarlan a lo ni tawh a.

Vawiin a Report present ah hian PAC chuan hun rei tak Department hmalakna a en pui a, a ngaihchan hnu ah, Building chhe mai tur leh hmanrua riral mai tur ven nan khawtlang tana hman tangkai a nih theih nana Sorkar in hma la turin a rel thu a awm a ni.

Public Accounts Committee hi tun 9th Assembly chhung hian vawi 29 thu tawhin, Spot visit tum 10 nei tawhin, departmental discussion leh department laka oral evidence vawi engemaw zat an lo neihpui tawh bawk a ni.

Public Accounts Committee-ah hian Leader of Opposition Lalchhandama Ralte chu Chairman niin member paruk – TBC Lalvenchhunga, W Chhuanawma, C Ngunlianchunga, Dr K Beichhua, VL Zaithanzama leh Lt Col Clement Lalhmingthanga te an awm a ni.

Ads: