34 The Assam Rifles (Toofani Chauntis) leh Zocareer Solutions tang kawp-in Mizo thalai sipai nih tumte tan Pre Recruitment training a thlawna an buatsaih hawng

Aizawl | August 6, 2025: Vawiin chawhnu Dar 1: 00 khan Mizo thalai Sipai luh tumte tan 34 The Assam Rifles(Toofani chauntis) leh ZoCareer Solutions Chanmari te tangkawpin an buatsaih Pre Reruitment Training chu Toofani Hall-ah a hawnna hun buatsaih a ni.

Pu Kulbhushan Singh Commanding Officer chuan Mizo thalaite tana a thlawna he Training an buatsaih thei chu lawmawm a tih thu leh he Pre Recruitment kaltlang hian Mizo thalaite tan theihtawp an chhuah zel tur thu a sawi a. Sipai hnaruak hrang hrang luh tumte, tih tak zeta thawkrim turin a chah bawk a ni.

Assam Riffes aiawh hian Captain Himanshu Kundal chuan report a pe a, he Pre recruitment atan hian Technical Expert Team din a ni a, Physical Training atana pawimawh hrang hrangte chu Zokhawsang a Assam Rifles hmunah neih pui a ni ang a, Medical Test leh a tul dangte pawh an buaipui sak vek tur thu a sawi a ni.

ZoCareer Solutions Director Pu RK Hnuna pawhin thusawiin, He program in a tum ber chu Sipai hnalak tur hrang hrang; Indian Army (Agniveer), Assam Riffle SSC(GD) leh Defence lam exam hnaruak dangte ah mizo thalaite a tam thei ang ber an luh theihna atan Pre-Recruitment Coaching Class buatsaih a nih thu a sawi.

He Pre Recruitment Training Session 1-ah hian Mizo thalai Mi 100 chuang an in ziak lut tawh a. Group hrang hrangah sem darhin mi thiam bikten Training hi an pe dawn a ni.

Assam Rifles chuan he Pre Recruitment Training ah hian Mizo thalai Sipai nih tumte, theih tawp chhuah huam apiangte chu tel zel turin an sawm a. A duh apiangte tan a thlawnin a tel zel theih thu an tarlang a ni.