Tunhnaia social media a hming rawn lang William-a hi kum 2022 chhung khan Chin zirlai raltlan harsatna tawkte buaipui tura ruat a ni - MSU

byAdmin — 0
Aizawl | July 14, 2025: Mizo Students’ Union (MSU) General Headquarters chuan tunlaia Social Media site hrang  hrangah thudiklo hmanga inpuhna awm mek hi pawi a ti hle a, Mizoram mipui leh khawvel hmun hrang hranga Zofate hriat turin thuchhuah a siam a ni.


 1. Zofate hi kan duh vang ni lovin ram pathum India, Myanmar leh Bangladesh ah te thendarh a awpbeh kan ni a. Ram hran sawrkar awpbehna hnuaiah awm rih mah i la; unau kan nihna hi vawng nung reng turin MSU chuan khawvel ram hrang hranga Zofate a ngen a, “ram in ri nei mahse, hnam in ri a neilo” tih hi MSU thuvawn a ni reng a ni.

 2. Tunhnai ah Myanmar tualchhung buaina avanga Zohnahthlak unaute inkara inhriatthiamlohna leh ralthuam lekna hial a thleng hi MSU General Headquarters chuan pawi a ti tak zet a, remna hawi zawng a ke pen zel turin Myanmar chhunga Zohnahthlak pawl hrang hrangte MSU chuan a ngen tak zet a ni.

 3. Kum 2025, March thla khan Manipur a kan unaute inkarah buaina te nau a chhuak a. He buaina chhem alh thei zawnga mi thenkhatin social media a thu leh hla an nei chu MSU chuan tha a ti lova. Zohnahthlak hnam hrang hrangte inkarah boruak tha lo siam tuma hmala an awm ni a ahriat  bawk avangin kum 2025, March ni 28 khan Cyber Crime Police Station ah FIR a thehlut a, Manipur-a kan unaute inpumkhatna tura MSU hmalakna hian tunhnaia Myanmar tualchhung buaina nen inzawmna a nei lo.

 4. Myanmar tualchhung buaina avanga kan unau raltlante hi MSU chuan theihtawpin a lo buaipui thin a, heng kan unaute tan hian America ram atangin Foreign Aid (Medical Equipment) te chahlutin theihtawpin chhawmdawl hna a thawk thin. Hetiang thil buaipui a nihlai hian Myanmar lam a kan unaute leh zirlai pawl a kan thawhpui Chin Students’ Union (CSU) te phungbawm ah sawm thin an ni. Tunhnai a social media a hming rawn lang William-a hi kum 2022 chhung khan Chin zirlai raltlan harsatna tawkte buaipui turin ruat a ni a. A ni chauh lo pawh MSU hian kan Chin unau pawl hrang hrangte thleibik awm lovin a remchan dan ang angin a thawhpui thin a ni.

  5. Kum 2024 atanga hruaitu thar kaihhruaina hnuaiah MSU a kal atangin Myanmar unau pawl hrang hrang hi MSU chuan thawhpui a la nei rih lo a, tanpui an ngaihna ah erawh chuan Unaute tan  theihtawp chhuah turin a inhawng reng a ni.





Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post