Aizawl | July 7, 2025: Mizo Students’ Union (MSU), General Headquarters bultumin vawiin khan aizawl khawpui chhungah, 'Quality Education Humhalhna Kawng Zawh' a ni a, College zirlai 1500 chuang zirna tha duhin an fuankhawm!
Higher & Technical Education Office-ah hian Director Laltanpuia leh officer dangte nen MSU hruaitute hi an indawr a, Sorkar hian ni 15 chhung insawina hun a lo pek tawh thu an ngaithla a, he thupek hi July 3khan chhuah niin, July 18 thleng insawifiahna hun an nei a ni. He sawihonaa an inrem dan chuan, MSU lam hian, sorkar hun pek July 18 thleng bakah, file kal hun atan ni 5 dang, July 23 thleng an ngaichang leh ang a, hemi hnuahpawh sorkar lam atanga an duh leh beisei ang an hmuh loh chuan hma lak leh an tum a ni.
MSu chuan, "tun hnuah Zirtirtu hnalak reng rengah, Qualify te chauh lak thin ni tawh rawh se," an ti a. "Showcause Notice hun chhung a liam atanga ni 5 chhungin ban an nih tur thu an sawi hi kan ring tawk a, sawrkar pawh an thutiama ding ngei turin kan ti," an ti bawk.
Thlalak dang: HETAH
'Quality Education Humhalhna Kawng Zawh' hi Vanapa Hall Kawt atanga tanin, Higher & Technical Education Directorate Office Kawt, Mc Donald Hill thleng an zawh a, zirlaite an au rual bawk a, zirna tha an duh thu leh, zirtirtu an thiamnain a tlin lohte ban an phut bawk.
Kawng zawh programme hmasa hi Vanapa Hall kawtah neih a ni a. He hunah hian MSU General Secretary Zodinsanga'n a kaihruai a, MSU Assistant General Secretary Lalruatpuia'n an punkhawm chhan report a pe a. MSU President B Lalkhawngaihzuala, Joint Hnampual President K Jerome leh Aizawl City College Joint Students Union (ACCJSUC) General Secretary Lalduhsaka te'n thu an sawi.
Hun hnihna hi H&TE kawtah hman a ni a. He hunah hian MSU Treasurer Lalrampanmawia chuan a kaihruai a, MSU Vice President Roluahpuia'n thu a sawi bawk.
MSU President B Lalkhawngaihzuala chuan, Unqualified Teacher te chance a pe fo chu MSU in tha atih loh thu a sawi a. Tuna an chance pek pawh hi nakumah chance an pe nawn leh lo ang tih a sawi theihloh thu a sawi a. Ram hruaituten Central Service tling tura zirlai te fuih reng chung si a, Qualified lo Ziritrtu an ruai reng chu hriatthiam harsa atih thu a sawi a. MSU ngenna Sawrkarin a tihlawhtling lo anih chuan a tawp thlenga na taka hmalak an tum thu a sawi a ni.
MSU Vice President Roluahpuia pawhin Qualified Teacher nilo Zirtirtu te, an phak lo chung Zirtirna hna an thawk reng chu zahpuiawm atih thu a sawi a. A rang thei ang bera ban turin Mizoram sawrkar an ngen tih a sawi bawk.
Kawng zawh hun hnihna Higher & Technical Education kawta hman anih lai hian Sawrkar hruaitute nen MSU lam aiawhte inbiakna neih a ni a. Sawrkar chuan Dan an zawm a ngaih thu leh, MSU nawrna avanga Showcause notice an pek mek avangin, hemi chinfel hnu ni nga (5) chhunga ban an tum thu an sawi avangin Resolution siamin kawng zawh hi an titawp a ni.
Resolution chu hetiang hian an siam:
1. Sawrkar in heng Assistant Professors Unqualified te lakah Dan ang taka ban an nih theih nana Showcause notice ni 15 chhung an pe hi tha kan ti a, Showcause Notice hun chhung a liam atanga ni 5 chhungin ban an nih tur thu an sawi hi kan ring tawk a, sawrkar pawh an thutiama ding ngei turin kan ti.
2. Tun hnuah Zirtirtu hnalak reng rengah, Qualify te chauh lak thin ni tawh rawh se.
3. Tuna Asst Professor Qualify lo te hi an aiawh Asst Professor tur qualify ngei a ranglamin la rawh se.
No.B.101/MSU-GHQ/2024–2026/42
Dated Aizawl, the 07th July, 2025
PRESS RELEASE
Vawiin 7th July khan Mizo Students’ Union (MSU), General Headquarters buatsaihin “Quality Education Humhalhna Kawng Zawh” Aizawl (Vanapa Hall Kawt atangin Higher & Technical Education Directorate Office Kawt) ah neih a ni.
Kawng zawh programme hmasa hi Vanapa Hall kawtah neih a ni a. He hunah hian Tv Zodinsanga GS MSU chuan Chairman niin a kaihruai a , Tv Lalriatpuia AGS chuan Report a pe a ni. Tin, he hunah hian Pu B.Lalkhawngaihzuala President MSU, K Jerome Joint Hnampual President leh C Lalduhsaka GS ACCJSU te thu an sawi a ni.
Hun hnihna hi H&TE kawtah hman a ni a. He hunah hian Pu Lalrampanmawia Treasurer MSU chuan Chairman niin a kaihruai a, Pu Roluahpuia Vice President chuan thu a sawi bawk.
Pu B.Lalkhawngaihzuala President chuan Unqualified Teacher te chance a pe fo chu MSU in \ha atih loh thu a sawi a. Tuna an chance pek pawh hi nakumah chance an pe nawn leh lo ang tih a sawi theihloh thu a sawi a. Ram hruaituten Central Service tling tura zirlai te fuih reng chung si a, Qualified lo Ziritrtu an ruai reng chu hriatthiam harsa atih thu a sawi a. MSU ngenna Sawrkarin a tihlawhtling lo anih chuan a tawp thlenga na taka hmalak an tum thu a sawi a ni.
Pu Roluahpuia Vice President pawhin Qualified Teacher nilo Zirtirtu te, an phaklo chung Zirtirna hna an thawk reng chu zahpuiawm atih thu a sawi a. A rang thei ang bera ban turin Mizoram sawrkar an ngen tih a sawi bawk.
Kawng zawh hun hnihna Higher & Technical Education kawta hman anih lai hian Sawrkar hruaitute nen MSU lam aiawhte inbiakna neih a ni a. Sawrkar chuan Dan an zawm a ngaih thu leh, MSU nawrna avanga Showcause notice an pek mek avangin, hemi chinfel hnu ni nga (5) chhunga ban an tum thu an sawi avangin Resolution siamin kawng zawh hi an titawp a ni.
Resolution chu hetiang hian siam a ni :
1. Sawrkar in heng Assistant Professors Unqualified te lakah Dan ang taka ban an nih theih nana Showcause notice ni 15 chhung an pe hi tha kan ti a, Showcause Notice hun chhung a liam atanga ni 5 chhungin ban an nih tur thu an sawi hi kan ring tawk a, sawrkar pawh an thutiama ding ngei turin kan ti.
2. Tun hnu ah Zirtirtu hnalak reng reng ah, Qualified teachers te chauh lak thin ni tawh rawh se.
3. Tun a Asst Professor Qualify lo te hi an aiawh Asst Professor tur Qualify Ngei a ranglamin la rawh se.
Sd/-
(ZODINSANGA)
General Secretary
Ph : 8414096458
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: