Aizawl | July 7, 2025: Tukin, July ni 7, 2025 Thawhtanni zing dar 7:00AM khan Mizo Hnam Pa, MNF Founder President Laldenga (L) thih champha vawi 35-na pualin a thlan, Aizawl Treasury Square-ah hun hman a ni. MNF President Zoramthanga leh Laldenga Fanu Dr Renee Lalrinzuali hovin Laldenga zahna chibai bukin, a thlanah pangpar an dah a, inkhawm neih a ni bawk.
He hunah hian MNF President Zoramthanga chuan thusawiin, Laldenga thihcham vawi 35-naa tel zawng zawngte chibai a buk a. "Pathianin Pu Laldenga min pe hi Mizote kan vanneihna lungphum pawimawh berte zing ami a ni. India ram mai ni lo khawvela Mizo hnamte min pholangtu a ni a, khatih hunlaia Zofate mai ni lovin, thangthar zelte thinlungah thleng pawh Hnam thinlung (Nationalism) a tuh a. Sawisela ngaihnep tum awm thin mahse, kan finna a sang tulh tulh a, Pu Denga hlutna hi kan hrechiang chho tulh tulh a ni," a ti a. Mizo hnam leh Mizoram a awm chhung chu Pu Laldenga hming a daih tawh loh tur thu a sawi a, Pu Laldenga hmanga Pathianin hnam thuthlung min pe hi a ropuiin a lawmawm hle a, kan thuthlung hi hnam dang pawh in min it ngawih ngawih a ni, a ti bawk.
Laldenga fanu Dr Renee Lalrinzuali, pawhin chhungkaw aiawha thusawiin, a pa hriatreng nana hun hmangtu zawng zawng chungah lawmthu a sawi a. "Ka pa khan Mizoram hi a lo va hmangaih em ve aw, ka ti ṭhin. Khang hun zawng zawngah khan kan chhungkua aiin Mizoram leh hnam a dah hmasa zawk ṭhin a. Mizoram tan a nih chuan keini kha chu min sacrifice a hreh lo hialin ka hria. Harsatna tam tak kan paltlang a, thuawih takin kan zui thin. Mizoram a hmangaihnaah a tum a thlen dawn chuan a nupui fanaute chu pahnihnaah min dah zawk thin a ni," a ti.
He hun hi MNF Vice President Lalchhandama Ralte in a kaihruai a, MNF Adviser Ramkinlova'n hunserh a hmang bawk a ni.
Laldenga chanchin tawi:
Mizo Hnam Pa Laldenga hi July 11, 1927-ah Lunglei Pukpui khuaah a lo piang a, kum 1944-ah British Indian Army a zawm. Kum 1959-ah Mizo National Famine Front chu a hova din niin, chu pawl chu October 22, 1961-ah Mizo National Front (MNF) tiin thlak a ni.
Laldenga hi kum 1986 khan Mizoram sorkar lailawk (interim)-ah Chief Minister a ni a, kum 1987-a Mizoram state Assembly inthlan hmasa berah Sateek leh Aizawl North-II bial aṭanga thlan tlin a ni a, state nih hnua Chief Minister hmasa ber a ni.
Kum 1990 khan Cancer a nih hriatchhuah a ni a, Memorial Sloan Kettering Cancer Centre, USA-ah thla thum enkawl a nih hnuin Mizoram pana an haw kawng Ashford Hospital, London-ah July 7, 1990, India sanaa tlai dar 2:30-ah a thi.
Laldenga ruang hi July 11, 1990 tlai dar 4:30-ah Tuirial Airfield-ah helicopter-in phurh thlen a ni a, July 13-ah vui niin, Mizote zinga state funeral-a vui awm chhun a la ni.
Mizo National Front
General Headquarters
Mizoram : Aizawl
Press Release
PU LALDENGA THIHCHAMPHA PUALIN A THLANAH ZAHNA LANTIR A NI
Tukin, July ni 7, 2025 Thawhtanni zing dar 7:00AM khan Mizo Hnam Pa, MNF Founder President Pu Laldenga (L) thih champha vawi 35-na pualin a thlan, Aizawl Treasury Square-ah hun hman a ni. MNF President Pu Zoramthanga leh Pu Denga Fanu Dr Renee Lalrinzuali hovin Pu Laldenga zahna chibai bukin, a thlanah pangpar he huna kal ten dah a ni a, inkhawm neih a ni bawk.
He hunah hian MNF President Pu Zoramthanga chuan thusawiin, Laldenga thihcham vawi 35-naa tel zawng zawngte chibai a buk a. "Pathianin Pu Laldenga min pe hi Mizote kan vanneihna lungphum pawimawh berte zing ami a ni. India ram mai ni lo khawvela Mizo hnamte min pholangtu a ni a, khatih hunlaia Zofate mai ni lovin, thangthar zelte thinlungah thleng pawh Hnam thinlung (Nationalism) a tuh a. Sawisela ngaihnep tum awm thin mahse, kan finna a sang tulh tulh a, Pu Denga hlutna hi kan hrechiang chho tulh tulh a ni," a ti a. Mizo hnam leh Mizoram a awm chhung chu Pu Laldenga hming a daih tawh loh tur thu a sawi a, Pu Laldenga hmanga Pathianin hnam thuthlung min pe hi a ropuiin a lawmawm hle a, kan thuthlung hi hnam dang pawh in min it ngawih ngawih a ni, a ti bawk.
Pu Laldenga fanu Dr. Renee Lalrinzuali, pawhin chhungkaw aiawha thusawiin, a pa hriatreng nana hun hmangtu zawng zawng chungah lawmthu a sawi a. "Ka pa khan Mizoram hi a lo va hmangaih em ve aw, ka ti ṭhin. Khang hun zawng zawngah khan kan chhungkua aiin Mizoram leh hnam a dah hmasa zawk ṭhin a. Mizoram tan a nih chuan keini kha chu min sacrifice a hreh lo hialin ka hria. Harsatna tam tak kan paltlang a, thuawih takin kan zui thin. Mizoram a hmangaihnaah a tum a thlen dawn chuan a nupui fanaute chu pahnihnaah min dah zawk thin a ni," a ti.
He hun hi Pu Lalchhandama Ralte, Vice President, MNF in a kaihruai a, Pu Ramkinlova Adviser, MNF in hunserh a hmang bawk a ni.
Pu Denga chanchin:
Mizo Hnam Pa Pu Laldenga hi July 11, 1927-ah Lunglei Pukpui khuaah a lo piang a, kum 1944-ah British Indian Army a zawm. Kum 1959-ah Mizo National Famine Front chu a hova din niin, chu pawl chu October 22, 1961-ah Mizo National Front (MNF) tiin thlak a ni.
Pu Laldenga hi kum 1986 khan Mizoram sorkar lailawk (interim)-ah Chief Minister a ni a, kum 1987-a Mizoram state Assembly inthlan hmasa berah Sateek leh Aizawl North-II bial aṭanga thlan tlin a ni a, state nih hnua Chief Minister hmasa ber a ni.
Kum 1990 khan Cancer a nih hriatchhuah a ni a, Memorial Sloan Kettering Cancer Centre, USA-ah thla thum enkawl a nih hnuin Mizoram pana an haw kawng Ashford Hospital, London-ah July 7, 1990, India sanaa tlai dar 2:30-ah a thi.
Pu Denga ruang hi July 11, 1990 tlai dar 4:30-ah Tuirial Airfield-ah helicopter-in phurh thlen a ni a, July 13-ah vui niin, Mizote zinga state funeral-a vui awm chhun a la ni.
Sd/-
(LALTHAKIMA)
Jt. Secretary
Media & Publicity Deptt
Mizo National Front
Memo No. 288/2025
Dt.07.07.2024
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: