Aizawl | July 24, 2025: MPCC Spokesperson Dr.Lallianchhunga chuan vawiin khan, Sairanga sawhthing dah khawmna hmunpui tlawhin, sawhthing an lei khawl sa Mizoram sorkarin a buaipui zui dan a hmunah a en a. Sawhthing lei khawlsa hi a ṭawih nasa tawh hle a, chung sawhthing ṭawih te chu hmun eng emaw zatah paih khawm a ni.
Heng sawhthing ṭawih paih te hi Ruah surin len bo nual tawh mahse, sawhthing ṭawih an paihna sulhnu erawh hmuh theih a la ni a. Road Map awm miah lo va sawhthing hi buaipui a ni tih a lang. A hmunah vai hoin Kg 1 ah Rs.3 leh Rs.5 ten an lei a, mutria ten bag 1 ah Rs 10 hlawhin motor ah an dah lut ṭhin a ni.
Mizoram sorkarin Sawhthing a lei khawl hi thar beisei zat atangin zaa 15 (15.71%) vel chauh a ni a, thar chhuah tura beisei zat atangin zaa 84 chuang (84.29%) a lei hman lo tihna a ni a. ZPM sorkar thil kalpui dan fuh lo avangin sawhthing chingtute’n Kg 1 Rs.50 aia sangin sawhthing an hralh theih loh phah a. Sawhthing lei danah ZPM sorkar hian sawhthing chingtute beisei a pha lo nasa hle a ni.
Sawhthing tihral dan an buaipui zui danah Dr.Lallianchhunga chuan ZPM sorkar chu zawhna pahnih a zawt:
1. ZPM sorkar thar lakluh ni, Dec 8, 2023 a CM thar, Pu Lalduhoma’n Press Conference a neih ṭum khan ‘Kan Minister tin te hi an Department chan ṭheuh an enkawl dan tur ROAD MAP ziakin kan nei vek a ni. Chu chu Minister tin te kan pe vek dawn a. Chumi dungzui chuan, a tlachawp ni loin, ngaihtuah hranpa pawh ni loin, kha policy kan lo duan tawhsa hmang khan an Department chan ṭheuh an enkawl dawn a’ tih thu khauh takin a sawi a. Tuna sawhthinga kalpui dan buarchuar tak, kuthnathawktute ti beidawngtu hi ZPM sorkar ROAD MAP ah a tel em?
2. Hmunphiah hi thar chhuah beisei zat aṭangin zaa 59 chuang (59.49%) lei loh a ni a; Aieng phei chu thar chhuah beisei zat aṭangin zaa 99 chuang (99.49%) lei loh a ni a. Thlai thlan chhuah lei a nih danah hian Campaign laia an sawi uar tak Research Based a tih engmah a awm lo tihna a ni em?
Dr.Lallianchhunga chuan, ‘Sumdawng ten inhralh har an tih chhan hi kuthnathawktute leh mipuite kuta sum a luh ṭhat tawk loh vang a ni ber a. Kuthnathawktute kutah sum lut tak tak selang chuan khawtualah sum lengvak a tam ngei tur a ni a, hai theih a ni lovang. Contract hna inpek danah pawh mi pakhat hminga Nuai 2000 chuang man Restricted Tender hna inpek a awm tih sawi a awm a. Hei hian ZPM sorkar chu mi tlemte te hausakna tura mahni intiamna ngei pawh phatsan leh duh an ni tih a tilang chiang hle a. ZPM Minister te lah mawhphurhna la ngam tak tak lova midang puh thiam tak, Chemtatrawta Sorkar dintute an ni a. Hetiang sorkar hi tunhmain Mizoramin kan la hrawn ngai lo a ni. Sorkar nawn an tum tawh lo va a lan avangin Congress party chu ZPM sorkar thlaktu turin mipuiten beiseina nen min thlir mek a. Pathian Malsawmna leh mipuite duhsakna zara kan sorkar chuan MAWHPHURHNA LA NGAM SORKAR ṬHA kan din ang’, a ti bawk.
Sairanga sawhthing dahna hmunpui tlawhnaah hian Dr.Lallianchhunga hi Secy. Media Dept Lalremruata leh Secretary ADCC Jerry Vanlalhlimpuia ten an ṭawiawm a ni.
PRESS STATEMENT
Vawiin, July 24, 2025 (Ningani) hian Dr.Lallianchhunga, MPCC Spokesperson chuan Sairanga sawhthing dah khawmna hmunpui tlawhin, sawhthing an lei khawl sa Mizoram sorkarin a buaipui zui dan a hmunah a en a. Sawhthing lei khawlsa hi a ṭawih nasa tawh hle a, chung sawhthing ṭawih te chu hmun engemaw zatah paih khawm a ni a. Ruah surin len bo nual tawh mahse, sawhthing ṭawih an paihna sulhnu erawh hmuh theih a la ni a. Road Map awm miah lo va sawhthing hi buaipui a ni tih a lang. A hmunah vai hoin Kg 1 ah Rs.3 leh Rs.5 ten an lei a, mutria ten bag 1 ah Rs 10 hlawhin motor ah an dah lut ṭhin a ni. Mizoram sorkarin Sawhthing a lei khawl hi thar beisei zat atangin zaa 15 (15.71%) vel chauh a ni a, thar chhuah tura beisei zat atangin zaa 84 chuang (84.29%) a lei hman lo tihna a ni a. ZPM sorkar thil kalpui dan fuh lo avangin sawhthing chingtute’n Kg 1 Rs.50 aia sangin sawhthing an hralh theih loh phah a. Sawhthing lei danah ZPM sorkar hian sawhthing chingtute beisei a pha lo nasa hle a ni.
Sawhthing tihral dan an buaipui zui danah Dr.Lallianchhunga chuan ZPM sorkar chu zawhna 2 a zawt a:
1. ZPM sorkar thar lakluh ni, Dec 8, 2023 a CM thar, Pu Lalduhoma’n Press Conference a neih ṭum khan ‘Kan Minister tin te hi an Department chan ṭheuh an enkawl dan tur ROAD MAP ziakin kan nei vek a ni. Chu chu Minister tin te kan pe vek dawn a. Chumi dungzui chuan, a tlachawp ni loin, ngaihtuah hranpa pawh ni loin, kha policy kan lo duan tawhsa hmang khan an Department chan ṭheuh an enkawl dawn a’ tih thu khauh takin a sawi a. Tuna sawhthinga kalpui dan buarchuar tak, kuthnathawktute ti beidawngtu hi ZPM sorkar ROAD MAP ah a tel em?
2. Hmunphiah hi thar chhuah beisei zat aṭangin zaa 59 chuang (59.49%) lei loh a ni a; Aieng phei chu thar chhuah beisei zat aṭangin zaa 99 chuang (99.49%) lei loh a ni a. Thlai thlan chhuah lei a nih danah hian Campaign laia an sawi uar tak Research Based a tih engmah a awm lo tihna a ni em?
Dr.Lallianchhunga chuan, ‘Sumdawng ten inhralh har an tih chhan hi kuthnathawktute leh mipuite kuta sum a luh ṭhat tawk loh vang a ni ber a. Kuthnathawktute kutah sum lut tak tak selang chuan khawtualah sum lengvak a tam ngei tur a ni a, hai theih a ni lovang. Contract hna inpek danah pawh mi pakhat hminga Nuai 2000 chuang man Restricted Tender hna inpek a awm tih sawi a awm a. Hei hian ZPM sorkar chu mi tlemte te hausakna tura mahni intiamna ngei pawh phatsan leh duh an ni tih a tilang chiang hle a. ZPM Minister te lah mawhphurhna la ngam tak tak lova midang puh thiam tak, Chemtatrawta Sorkar dintute an ni a. Hetiang sorkar hi tunhmain Mizoramin kan la hrawn ngai lo a ni. Sorkar nawn an tum tawh lo va a lan avangin Congress party chu ZPM sorkar thlaktu turin mipuiten beiseina nen min thlir mek a. Pathian Malsawmna leh mipuite duhsakna zara kan sorkar chuan MAWHPHURHNA LA NGAM SORKAR ṬHA kan din ang’, a ti bawk.
Sairanga sawhthing dahna hmunpui tlawhnaah hian Dr.Lallianchhunga hi Pu Lalremruata, Secy. Media Dept leh Tv.Jerry Vanlalhlimpuia Secy.ADCC ten an ṭawiawm a ni.
Issued by Media Department, MPCC on July 24,2025
Post a Comment
He post chungchanga i ngaihdan lo sawi ve rawh: