Aizawl | July 17, 2025: Saitual-ah District Education Officer (DEO) sawnchhuah tum vangin DEO pisa kai tur dan an tum!
Saitual District VC Association leh All NGO chuan vawiin khan thuchhuah an siam a, Saitual District Village Council Association President J Thangzuala, YMA Sub Headquarters Saitual President R Lalruatkima, MHIP SHQ Saitual President Lalbiaktluangi, MUP District Headquarters Saitual President Lalremmawia Sailo leh MZP Headquarters Saitual President Henry VL Nunpuia ten hming an ziak a ni.
"DEO leh a hnathawk zawng zawngte chu Saitual District VC Association leh All NGO te chuan tiam chin awm lova an Pisa kai tur dan nise kan ti," an ti a.
"DEO hi a thlaktu tur awm lova sawnchhuah kan remti lova, a thlaktu tur DEO ngei min pek hma loh chuan min sawnchhuah sak lo tur leh Transfer order hi min sut sak turin kan sawrkar hi kan ngen nawn leh," an ti bawk.
"Kan sawrkar chak takin kan District Education Officer (DEO) min sawnchhuah sak a tum chungchangah MZP Headquarters Saitual ten hma lain, Education Minister leh bialtu MLA te hnena DEO sawnchhuak lo tura a ngenna chuan awmzia a neih loh avangin, vawiin (17.7.2025) atang hian DEO leh a hnathawk zawng zawngte chu Saitual District VC Association leh All NGO te chuan tiam chin awm lova an Pisa kai tur dan nise kan ti," an ti a.
"Kan DEO hi a thlaktu tur awm lova sawnchhuah kan remti lova, a thlaktu tur DEO ngei min pek hma loh chuan min sawnchhuah sak lo tur leh Transfer order hi min sut sak turin kan sawrkar hi kan ngen nawn leh a ni.
Kan ngenna min tihhlawhtlinsak Io a nih chuan tun aia na zawk leh zau zawka hmalak a ni ang,"
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: