Aizawl | July 22, 2025: Mizoram Legislative Assembly member, Pu Lalrintluanga Sailo National Core Committee chuan kum 65 mi niin July 21, 2025 (Thawhtanni) zan dar 9 vel khan Max Hospital, New Delhi-ah khawvel a chhuahsan ta. MNF chuan kan uiin kan sun a, MNF ban pui rinawm chu a tliak ta a ni.
Pu Lalrintluanga Sailo hian kum 1976 khan, kum 16 chauh niin 'Pathian leh kan Ram tan' tiin, India lak aṭanga zalenna sualtu MNF zawmin hnam sipaiah a tang a. A tawp thlenga awmin remna ziah khan a lo haw a, 2nd lieutenant a kai hman a. Overground politics-ah MNF tan ṭhahnem ngai taka thawkin nihna hrang hrang a chelh chho a, tunah hian National Core Committee Member a ni mek a ni.
Kum 2018 inthlanpuiah khan MNF Party ticket-in Dampa bialah MLA atan hneh taka thlan tlin a ni a. Kum 2023 khan he bial aṭang bawk hian hneh takin thlan tlin nawn leh a ni.
Party tana rinawm, ram leh hnam tana ṭhahnem ngai, a bial tana theih tawp chhuah mektu, hun lo taka kan chan hi MNF chuan a ui tak zet a. Bible nema kum 16 mi lek a nih laia ram leh hnam tana a thisen far tawp thlenga inhlan Pu Lalrintluanga Sailo chu a intiam ang ngeiin a thih ni thlengin ram leh hnam tan a nung ta a ni. A kalsan tak a nupui Pi Lalbiakṭhuami leh a tu leh fate Pathianin awmpui mawlh rawh se.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No. 294/2025
Dt. 22.07.2025
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: