MLA Robert Romawia Royte hovin Aizawl Bible College Foundation Day hmang

Aizawl | July 28, 2025: Assemblies of God kohhran enkawl bible zirna, Aizawl Bible College (ABC) chuan vawiin khan an Foundation Day vawi 27-na Dawrpui Multipurpose Hall-ah an hmang a. MLA Robert Romawia Royte chuan khuallian niin a hmanpui a, Aizawl Bible College (ABC) Board leh College Zirtirtute leh zirlaite Foundation Day duhsakna chibai a buk.

He Function-a Khuallian Robert Romawia Royte MLA chuan Aizawl Bible College chu Assemblies of God kohhran tan mai ni lo, khawvel hmun hrang hranga Zofate tan a pawimawh a,India pawnlam atang pawha zirlai an tam avangin Zofate insuihkhawm nan pawh a tangkaiin a thawhhlawk hle a ni.Zirlaite fuihna thusawiin Pu Roberta chuan tumruh leh tum san a pawimawh a;lungawi hma lutuk avanga mahni thlen theih tur chin thleng pha lo an tam tihsawiin bul tan thaa,tawpna duhawm chang vek turin duhsakna a hlan a ni.

He function ah hian Aizawl Bible College (ABC) Principal Dr CS Muanga'n inlawmna thu a sawi a, ABC Board Chairman Dr ZS Lala tepawhin thusawiin ABC Zaipawl leh Drama tawi te thlirho a ni bawk.

He Aizawl Bible College hi Tuikual North ah awmin B.Th zirlai 216 an awm mek a ni. Function ah hian Items hrang hrang neiin Tlaiah zanriah an kilho a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]