Joint Committee for Church Unity hnuaia thawhhona thuthlung inhlanna hun hmang

byAdmin — 0
Aizawl | July 7, 2025: Chhandamna Kohhran (Salvation Church of India) leh Fundamental Baptist Church of Mizoram ten kohhranhote thawhhona huang an din, Joint Committee for Church Unity-a hruaitute Pathian hnena hlanna leh thawhhona thuthlung ziak inhlan tawnna hun chu July ni 6, 2025, Pathianni zan khan Edenthar Chhandamna Kohhran Biak inah hman a ni.


He hun hi Joint Committee for Church Unity Chairman Upa Dr H Lianzela’n a kaihruaia Fundamental Baptist Church Assembly Chairman (Elect) Upa Lalnuntluanga Zote hnen atangin Pathian thuchah ngaihthlak a ni. 

JCCU Secretary Rev Lalnunsiama Khiangte hnen atangin thawhhona report leh hmachhawpte ngaihthlak a ni a. Hruaitu tharte inhmelhriattirna hun a hmang bawk.


Thawhhona thuthlung lo ziak tawh chu Chhandamna Kohhran President Upa Dr H Lianzela leh Fundamental Baptist Church Chairman (Elect) Upa Lalnuntluanga Zote ten inhlan tawnin duhsakna chibai an inbuk.

Joint Committee for Church Unity Hruaitu tharte Pathian hnena hlanna hun hmangin fuihna thu Rev.Dr.R.Lalsangzuala, Chhandamna Kohhran, Aizawl North Pastor chuan a hmang a.
Joint Committee for Church Unity-a hruaitu tharte chu:
Chairman : Upa Dr H Lianzela, President, Chhandamna Kohhran
Vice Chairman : Upa Dr F Lalfamkima, Chairman, FBCM
Secretary : Rev Lalnunsiama Khiangte, Executive Secretary, FBCM
Asst.Secretary : Upa Lalawmpuia Khiangte, General Secretary, Chhandamna Kohhran
Fin.Secretary : Pastor Rommel P Ngente, AO, Chhandamna Kohhran
Treasurer : Rev Lalpanliana, Mission & Education Secretary, FBCM
te an ni.


Chhandamna Kohhran General Secretary leh Senior Administrative Officer (SAO) Upa Lalawmpuia Khiangte hnen atangin June thla chhunga Odisha leh Andhra Pradesh lama Crusade neih report ngaihthlak a ni bawk.


Chhandamna Kohhran, Aizawl Area Zaipawl leh FBCM, Aizawl Pastor Bial Zaipawlten Pathian fakna an hlan a, Lalrinhlui Tlumang leh Lalruatfeli ten Pathian fakna hlan an sa bawk.

Chhandamna Kohhran Aizawl Area Chairman Upa Robert Lalrinawma'n ban hla thlangin Pastor Lalsangmawia, Lunglei Area, Chhandamna Kohhranin malsawmnain inkhawm hi a tin a ni. 


Chhandamna Kohhran leh Fundamental Baptist Church tena thawhhona an neih hi kum khat chhung atan pawhsei leh a ni a, hemi hun chhung hian kohhranhotena rawngbawl hona an neih tur ruahmanna thahnem tak duan a ni.


Joint Committee for Church Unity hi kohhran pawl hrang hrangten inpumkhatna tha neia rawngbawlna kalpuina tur huang a ni.



Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post