I&PR Minister hluiin Emmy Award dawngtu Mizo Journalist pahnih lawmpuina hlan; Zofate dinhmun sangah min hlangkai

Aizawl | JuLy 3, 2025: 'Myanmar Civil War' Documentary producer Mizoram Journalist pahniH HC Vanlalruata leh Isaac Zoramsanga te chu vawiin khan I&PR Minister hlui leh MNF Sr. Vice President ni bawk Dr R Lalthangliana’n lawmpuina a hlan.

Vawiina Journalist pahnihte chawimawina hun hi Aizawl Press Club-ah neih a ni a, I&PR Minister lo ni tawh Dr R Lalthangliana chuan tunhnaia Emmy Award dawngte pahnih hi lawmpuina a hlan a, khawvel huapa lawmman ropui an dawng chu chhuanawm a tih thu sawiin, Zofate dinhmun sangah min hlangkai a ti a, mi dangte tana entawntlak an nih thu sawiin chona nasa tak a ni, a ti a. Kum 2003 atanga kum 2008 inkara I&PR Minister a lo nih tawhnaah Journalist-te tana theihtawp a lo chhuah thin thu sawiin Journalist te khawvel huapa an lang chu a hlut hle tih a sawi bawk.

He hunah hian Emmy Award dawngtu pahnih HC Vanlalruata leh Isaac Zoramsanga ten thu an sawi a, Mizo journalist pahnihte hi BBC tana project-ah hian field producer hna an thawk a, lawmman an dawnna hi Outstanding Continuing News-Coverage-Short Form Category-ah a ni.

Vawiina hun hmanah hian Dr R Lalthangliana tawiawmtu MNF Publicity Board hotute leh Mizoram Journalist’s Association member thenkhat an tel bawk a ni.