Assembly Constituency hrang hrangah Booth Level Officers training nei; Assembly Constituency dangah pawh nei leh zel dawn

Aizawl | July 10, 2025: Mizorama Assembly Constituency hrang hrang Aizawl South II, Aizawl South III, Champhai North, Champhai South leh South Tuipui huamchhunga Booth Level Officers-te tan training buatsaih a ni. He training hi Election Commission of India in National Training Programme for Booth Level Officers July 2, 2025 – July 17, 2025 chhunga neih tur a tih angin buatsaih a ni.

Tun thla chhung hian Assembly Constituency hrang hrang te pawn training hi an nei dawn a, District Election Officer ten anmahni district huamchhung theuhah training program hi an buatsaih dawn a ni. Training hi State Level Master Trainers ten an kaihruai anga, Mizoram chhunga BLO 1301 (sangkhat zathum leh pakhat) te tana intuaitharna anih dawn bakah India Constitution leh dan in a sawi anga inthlanna dik leh felfai neih anih theih nana BLO-te pawimawhna, hnathawh nana BLO App tangkai zawka hman dan chungchang bakah electoral roll buatsaih kawnga tihsual awm lo tura BLO-te in zirtir tharna tura buatsaih a ni.

ECI hian tun thla hnih liam ta chhung khan New Delhi-a India International Institute of Democracy and Election Management (IIIDEM)-ah state hrang hranga BLO thlanchhuahte tan training hi a lo buatsaih tawh a, hemi tum pawh hian Mizoram atangin BLO thlanchhuah mi 40 ten training hi an lo zuk nei tawh a ni.