Aizawlah tuialhthei a vang; 'supply permit only!'

Aizawlah tuialhthei a vang; supply permit only!

Aizawl | July 24, 2025: Kawnpui leh Sairang inkar kawng chhia avanga an lirthei din tir mek Mizoram Oil Tanker Driver’s Association (MOTDA) te chuan lirthei an la din tir chhunzawm zel a, hemi avang hian Aizawlah tuialhthei a vang tawh hle.

Aizawlah tuialhthei a vang tawh hle a, phalna nei lo tana lak mai tur a vang tawh. Mizofed Petrol Pump, Treasury-ah pawh, "petrol, diesel, suppply permit only," tih a intar tawh a. Food Civil Supplies & Consumer Affairs Deptt. remtihna tel lo chuan tuialhthei an pechhuak tawh lo a ni.

Hetihlai hian, Food Civil Supplies & Consumer Affairs Deptt hian, National Highway 306 leh 06 chhiat vanga nitin mamawhah harsatna mipuite'n an tawh loh nan Sawrkar chuan theihtawp a chhuah reng an ti.