Aizawl City Local Council Association hruaituten Central YMA hruaitute kawm

Aizawl | July 4, 2025: Nimin Ningani tlai dar 3:00 khan Aizawl City Local Council Association (ACLCA) hruaitute Central YMA Office-ah an President C Lalbiaknunga hovin an leng a, Central YMA hruaitute nen an inkawm.

ACLCA hruaitute hian Mizo hnam him a tura an ngaihpawimawh hrang hrangte Central YMA hruaitute hi an sawi pui a, CYMA President Lalhmachhuana hovin OB ten an lo dawngsawng.

Aizawl City Local Council Association hruaitute hian hengte hi CYMA OB te an sawipui :

1. Inner Line Permit ( ILP) pekchhuah dan leh hmansual a nih theih dan te

2. Hnam dang Misitiri rawih dan chungchang leh Theka Rate chungchang

3. Ruihhlo do chungchanga thawhho chungchang te

ACLCA thu te hi Central YMA in a remchan anga an lo sawiho ve tur thu an hrilh a. Vengchhung thianghlimna tur leh hmasawnna atan thawhhona tha YMA leh Local Council ten neih a tul thu an sawiho bawk.