- Michael Lalmanzuala
Chanchinbua-a ziaktu pakhat a hming bula Rev Dr dah chuan heti hian a ziak a:
Ṭhenkhat hian zu te chu rui lova in theih a nia, inthiam inzirtir a ṭhat zawk thu an sawi ṭhin a. Damdawi atan te a nih loh chuan ruih nan ni si lovin engtin nge an in tak ang le?
He tiang zawhna rawn zawttu hi chuan chaw te pawh hi pum tina khawp lo chuan a ei theih loh a tihna ni awm tak a ni.
He thuziaktu hian kum 30 vel zu a in ve lai khan a ṭhianten ‘cocktail’ hmanga an fiam avanga vawi hnih a ruih tih loh chu a rui ngai lo. Infak leh inngaihsanna lam a nih avangin ngaih loh lama ngai lo turah ngai ila, Pu Lalthanhawla hian kum 60 vel zet zu a in ṭhin lai khan/hian a inpuite zingah zu a ruih hmu leh hria an awm ngai lo. Zu in dan a thiam a, chintâwk a hria a, zu chhia a in ngai lo va. Châk vanga in chu a ni ngei mai a, mahse, ruih tuma in a ni ngai lo. Chu chu mi pangngai kan tih chinte chuan zu an/kan in dan a ni.
Pi leh pute hunah khan zu hman dan an thiam a. Mi mal nun tichhetu emaw khawtlang nun tibuaitu emaw a ni ngai lo. Miṭha an tihte khan intihhlim nan tak an hmang ṭhin a. An rui buai ngai lo va; zu avanga thî an awm ngai lo. Zu chu an nun tiphuisuitu-ah an hmang zawk a ni. Khawvel history-ah anni tluka zu hman dan thiam an awm kan hre lo hial a ni.
Kristian hmasate khan anmahni hnuaichhiaha hmusit ṭhintu Miṭhate kha, ‘Zu hi thilsual a ni a, zu in chu hremhmunah an kal ang’ tih zirtirna diklo hmanga, Kristian an nihtir theih a, an chungtlâk ve theihna a nih avangin an khawvelah zu chuan pawimawhna tak a nei a. Politics khelhna chi khata hmang zelin do anga inlantir zel siin hmanraw ṭangkai takah an hmangzui ta a ni.
He thu hi vawi tam kan sawi tawh a. Kohhran hruaitute an zirtirna diklovin kan hnam pawi a sawi nasatzia hria-a tidanglam tura Open Letter meuh pawha kan ngen chung pawha an ngaihdan an thlak duh lo hi, zu ina kan hnam tana buaina a thlen reng chhan hi a ni.
An zirtirna diklo hi an thlâk hma chuan, zu hi kan hnam tibuaitu a ni zel dawn tih kan han hrilh nawn leh a ni e.
Winston Churchill kha zu hmang thiam ber pawla ngaih a ni a. Breakfast, lunch, dinner -ah te, whiskey/brandy etc. a telh ziah ṭhin. Kum 90 thleng a dam chhung khan zu-in a hriselna a tibuai miah lo. Chu chu zu hmang thiamten an ṭhatpui dan chu a ni a. An sawisel ve ngai lo va; an do ngai hek lo. An thunhuaiah an dah mai a ni.
Zu hmang thiam lote erawh chuan anmahni thiamlohna chu zu an bûrbuna do berah an neih ta ṭhin a ni. Zu hman thiam lama Winston Churchill kha mi entawntlak a nih angin zu hman thiam lohna lama pawisawitu lian ber chu kan kohhrante hi an ni. Churchill-a thukhawchang hi I lo chhiar ang u:
“If you mean whisky, the devil’s brew, the poison scourge, the bloody monster that defiles innocence, dethrones reason, destroys the home, creates misery and poverty, yes, literally takes the bread from the mouths of little children; if you mean that evil drink that topples men and women from the pinnacles of righteous and gracious living into the bottomless pit of degradation, shame, despair, helplessness, and hopelessness, then, my friend, I am opposed to it with every fibre of my being.”
“However, if by whisky you mean the oil of conversation, the philosophic wine, the elixir of life, the ale that is consumed when good fellows get together, that puts a song in their hearts and the warm glow of contentment in their eyes; if you mean good cheer, the stimulating sip that puts a little spring in the step of an elderly gentleman on a frosty morning; if you mean that drink that enables man to magnify his joy, and to forget life’s great tragedies and heartbreaks and sorrow; if you mean that drink the sale of which pours into our treasuries untold millions of dollars each year, that provides tender care for our little crippled children, our blind, our deaf, our dumb, our pitifully aged and infirm, to build the finest highways, hospitals, universities, and community colleges in this nation, then my friend, I am absolutely, unequivocally in favour of it.”
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: