Zirtirtu pek tiam avangin Parva JAC-in lungawi lohna lantir titawp

Aizawl | June 13, 2025: Parva Joint Action Committee-in Parva Government High School zirtirtu sawnchhuah tur duh lova nawrh an huaihawt chu a aiawh bakah, Zirtirtu dang pek an tiam vangin vawiin atang khan an titawp.

Parva Gov't H/S a thawk lai V Lalhmangaihzuala, Lungtian Gov't High School a transfer a nih avanga Parva Joint Action Committee hmalaknaa nawrh huaihawt chu, Lawngtlai District Education Officer aiawh te nena inbiak remna angin, Udalthana atangin Kamaleshwar Chakma dah an tum avang leh Education Director leh Lawngtlai DEO atangin Maths leh Science zirtirtu pek an tiam avangin nawrh huaihawt hi tih tawp a ni.

Tarlan tawh angin, June 11, 2025 a Parva Joint Action Committee thurel angin, Parva Government High School zirtirtu V Lalhmangaihzuala, Lungtian Gov't H/S a transfer a nih chungchangah lungawi lohna lantirin zirna in zawng zawng khar a ni a, hemi chungchangah hian vawiin khan Lawngtlai District Education Officer  aiawh te nen inbiakna neih a ni.

PARVA JOIN ACTION COMMITTEE

PRESS RELEASE

Dated : 13rd June 2025

Ni 11th June 2025 a Parva Join Action Committee thurel angin, Parva Government High School zirhtirtu V. Lalhmangaihzuala, Lungtian Gov't H/s a transfer a nih chungchang ah lungawi lohna lantirin zirna in zawng zawng khar a ni a, hemi chungchang ah hian District Education Officer Lawngtlai te nen inbiakna neih a ni.

Pu V. Lalhmangaihzuala Parva Gov't H/S a thawk Iai, Lungtian Gov't High School a transfer a nih avanga Parva Join Action Committee hmalakna anga nawrh huaihawt chu, Lawngtlai District Education Officer te nen inbiak remna angin, Udalthana atangin Pu Kamaleshwar Chakma rawn dah an tum avang leh Education Director leh DEO Lawngtlai atangin Maths leh Science zirhtirtu min pek an tiam avangin nawrh huaihawt tih tawp a ni.

(LALENGZAUVI)

(SURESH KUMAR)

(LALPIANHMUAKA)

(RINSANGPUIA)

(DANAKUMAR CHAKMA)

(ESTHER LALHLIMZUALI) 

(REMLALMUANA)