Village Council Pangkhua & All NGO's Pangkhua Press Release

Village Council Pangkhua & All NGO's Pangkhua

Press Release

Dt 24th.June, 2025

Thingsai-Bualpui-Saisih-Pangkhua-Sangau (TBSPS) Road, 7.800 km - 29.180km (Pangkhua ram chhung bik) laih turah he kawng Alignment in a paltlang chhungah khawtlang neitu VC te leh NGOs te hriatpuina tel lova Pu LH Ramdingliana, RO, Revenue LADC Sangau-in Compensation lak beisei avanga mimal ram pass chhuhsaka ram a lak avangin Pangkhua khawtlang hruaitu te, Village Council & All NGOs meeting chuan a hnuai mi ang hian thuchhuah a siam a ni.

1. LADC, Land Revenu & Settlement Department, Sangau-a RO te leh an Staff ten TBSPS road laih tur-a Alignment-in a paltlang chhungah a ram neitu VC te hriatpuina leh rem tihna tel lova Compensation beisei avanga Ram pass tam tham tak an insiam hi tha lo kan tiin cancel ni rawh se.

2. Pangkhua mipui te zingah he Alignment in a paltlang chhunga ram nei mi thenkhatte pass Renew tura tih niin Renew tura ram neitu ten pawisa pe a Office an dawr laiin chhuanlam siama Renew sak duh lovin Pawisa pawh pekkir an ni a. Hei hi remchang a lain Pass thi tawh anga Cancel sak in mimal ram chhungah Pass thar a siam ani tih ama tawngta ngei atanga kan hriat avangin pawi kan ti a, ram neitu dik tak hnenah ram hi pek let vek ni rawh se.

3. Pu LH.Ramdingliana, RO hian pass Renew leh PS forwarding pawh ti duh lova mipui te min hrekbet reng hi na kan ti a, hetiang hi thleng tawh lo se, kan ti.

4. TBSPS Road laih tur hi Aligment avanga rei tak a thuanawp tawh lai leh BRO ten Compensation a tam an hlauhthawn avanga kum tam tak harsatna kan tawh laia Pangkhua khua leh tui ni lo, Revenue Department-a thawk te leh an laina hnaite ram pek an ni hi pawi kan tiin ram hmasawnna tih thuanawp tumna leh ram leh hnam rawkna ah kan ngai.

6. Compensation beisei avanga Kum 2023-2025 chhunga Revenue Department ten Ram Pass an siam thar zawng zawng te hi cancel ni rawh se.

A chunga kan thilphutte hi tihhlawhtlin anih lohva mimal ram cancel anih lova mimal ram cancel sak ten an ram ngai ang taka an neih let leh hma chuan Dt 25.06.2025 - 03.07.2025 chhunga Preliminary Survey, Deputy Commissioner, Lawngtlai atanga neih tur hi kan rem ti lo a ni tih ram mipuite hriat ah kan puang a, he kawng hi a hma lama laih a nih theihna tur leh kan thil phur te a hlawhtlin theih nana hma min laksak turin thuneitute kan ngen nghal bawk a ni.

Sd/-

(K.Ngunliansanga)

President

Village Council / Court

LADC

Sd/-

(Zatiathanga)

President

Young Lai Association

Pangkhua Branch

Sd/-

(Lalbiakzauvi)

President

Lai Women Association

Pangkhua Branch