UD&PA Secretary leh Director ten Hnahthial khawpui bawlhhlawh paihna leh bawhhlawh sawngbawlna hmun tur tlawh

Aizawl | June 20, 2025: Urban Development and Poverty Alleviation Department (UD&PA) Secretary Lalmalsawma Pachuau leh Director Jacob Lalawmpuia te chuan vawiin khan Hnahthial tlawhin Hnahthial khawpuiin bawlhhlawh an paih mekna hmun leh bawhhlawh sawngbawlna hmun tura ruahman (Solid Waste Management Centre) Rotlang East ram a mi te an enpui.

Lalmalsawma Pachuau chuan Hnahthial Soild Waste Management Centre tur Rotlang East a mi chu tha thawkhata an hriat thu leh uluk zawka lo ennawn leh turin District Urban Development Office (DUDO) thawktute an hriattir a. Hnahthial khawpui bawlhhlawh paih mekna Sa-ang kawng ami pawh Rotlang East rama Solid Waste Management Centre siam peih a nih hmaa hman tangkai theih dan tur ngaihtuah a nih tur thu pawh an sawi. DUDO office pawhin tlawh nghalin DUDO thawktute chuan bawlhhlawh sawngbawl chungchanga an hmalak dan te a hrilhfiah a, hasatna an neih leh mamawh an neih hrang hrang an lo thlen nghal a, Hnahthial DUDO tih chantlunna tur project siam turin DUDO thawktute chu an chah bawk a ni.

UD&PA Secretary leh Director te hi Hnahthial atangin Addl. DC Zothanmawia Khiangte, SDO Sadar Esther Leihang, leh DUDO thawktuten an tawiawm a, Aizawl lam atangin UD&PA Joint Director (Admin) C Lalduhzuali, UD&PA Under Secretary Vabeimozachhi Chozah ten an tawiawm bawk.