Solomon's High School-in HSLC 2025 Top 9 an neih lawm!

Aizawl | June 11, 2025: Vawiin ni 11 June, 2025 (Nilaini) chawhma dar 10:30 khan I&PR Auditorium-ah, Solomon's High School-in an sikul atanga HSLC 2025 9th rank holder Mary Sui chawimawina hun an hmang.

He hunah hian Solomon's High School Principal HC Thawnga chuan thusawiin; an sikul chu zirlai thiam thei leh result nei thate chauh luhna a nih loh thu leh, a bik takin Maths a harsatna neite leh failte an luh nasat thu a sawi a. Maths a lo fail tawhte phei chu a thlawna an lo admit thin thu sawiin. Chuti chunga an sikul-in Mizoram puma Rank holder an nei thei chu an tan chuan, a ropui takzet tih a sawi.

Vice Principal Eric Lalramchhana'n report pein, kum 2003-a an sikul din anih atangin HSLC Examination-ah zirlai pass 80% bawr vel an ni thin a. Kumin HSLC Examination 2025 Results chhuakah 93% in an passed tih a sawi. Maths bikah phei chuan 100% an pass a ni.

Solomon's High School hi Kulikawn Ngaizel-a awm a ni a. Kumin HSLC a 9 rank holder Mary Sui hian Mizoram a 10-na mark 2-in a pha lova. Sikul lamin an complaint hnuah 9-na nen an mark hmuh a inang a. Chuvangin, MBSE lamin adendum siamin, 9th rank holder-ah an puang leh a ni.

Mary Sui hi Myanmar Chin State khawpui Halkha atanga Mizorama rawn raltlan a ni a. Kum 2024-a Samagra Shiksha buatsaih Maths and Science Olympiad-ah pakhatna niin. MZP buatsaih Inter High School Quiz, 2024-ah 2nd Runner Up lawmman a lo la tawh a ni.

He hun hi MZP General Headquarters, Lai Students' Association hruaitute leh School Managing Board ten hun an hmanpui a ni.