"pro rata hmanga Consumer slab wise-a electric bill an ti danglam hi tha kan ti lo," - CFCE

Aizawl | June 18, 2025: Centre For Consumer Education chuan June 16 khan thuchhuah siamin, "Power & Electricity Department in TARIFF ORDER 2025 - 26 kalh a, pro rata hmanga Consumer Slab Wise-a Electric Bill an ti danglam hi tha kan ti lo," an ti a. "PRO RATA hmanga Bill/Rate an siam a nih pawhin Energy Charge chhut chhuahna Slab-wise Consumption bituk awm sa hi Tariff Order kalhin tihdanglam theih a ni lova. PRORATA hmanga Energy charge dik lo taka an lo bill tawh zawng zawng pawh P&E Department hian dik takin siam tha leh turin P&E thuneitute kan ngen a ni." an ti.

@ meta AI

Centre For Consumer Education chuan, Consumer Protection Act 2019 hmangin Consumer te dikna leh chanvo humhalh a nih theih nan kawng hrang hrangin hma an la mek zel a. Consumer te zinga thil lei leh hmanna a harsatna tawk te pawh a theih ang angin a tanpui zel bawk a ni.

Mizoram Electricity Regulatory Commission (MZERC) hnuaia State Advisory Committteee thurawn anga Power and Electricity Department in kawlphetha a ruka hman leh tih chinpenna nasa tak awm thin tih tawp a nih theih nana thapui thawh a Special Drive a nei hi Centre for Consumer Education chuan lawmawm an ti a. Electric pawt ru tu te leh ti chingpen manchhuah te chu hrem ngei ngei turin P & E Department hotute chu an ngen bawk.

CENTRE FOR CONSUMER EDUCATION

Head Office: Republic, Mual Vengchung, Near Vety Complex, Aizawl

PRESS RELEASE

June 16, 2025

Centre For Consumer Education chuan Consumer Protection Act 2019 hmangin Consumer te dikna leh chanvo humhalh a nih theih nan kawng hrang hrangin hma a la mek zel a. Consumer te zinga thil lei leh hmanna a harsatna tawk te pawh a theih ang angin a tanpui zel bawk a ni. Hetih laiin Consumer ten kawng hrang hrangin harsatna namen lo a tawk reng a. Chuvangin hetiang hian Centre for Consumer Education chuan THUCHHUAH a siam a ni - 

i) Mizoram Electricity Regulatory Commission (MZERC) hnuaia State Advisory Committteee thurawn anga Power and Electricity Department in kawlphetha a ruka hman leh tih chinpenna nasa tak awm thin tih tawp a nih theih nana thapui thawh a Special Drive a nei hi Centre for Consumer Education chuan lawmawm a ti hle a. Hetianga kawlphetha hmansual dapchhuah a nih atang hian Sorkar leh mipui chuan sum tam tak a hum theih ngei kan beisei ani. Centre for Consumer Education chuan a tul ang ang in thawhpui kan tum a ni. Electric pawt ru tu te leh ti chingpen manchhuah te chu hrem ngei ngei turin P & E Department hotute chu kan ngen a ni.

ii) Power & Electricity Department in Electric Bill software thar hman tura hma a la hi lawmawm kan ti hle a. Amaherawhchu TARIFF ORDER 2025 - 26 kalh a, PRORATA hmanga P&E in Consumer Slab Wise-a Electric Bill an ti danglam hi tha kan ti lova. PRORATA hmanga Bill/Rate an siam a nih pawhin Energy Charge chhut chhuahna Slab-wise Consumption bituk awm sa hi Tariff Order kalhin tihdanglam theih a ni lova. PRORATA hmanga Energy charge dik lo taka an lo bill tawh zawng zawng pawh P&E Department hian dik takin siam tha leh turin P&E thuneitu te chu kan ngen a ni.

(C ROHNUNA)

Secretary 

(LALLUNGHNEMA)

Chairman