Padma Shri Lalthangfala Sailo a herliam ta!

Aizawl | June 1, 2025: Padma Shri Lalthangfala Sailo (92), Chaltlang chu zanin dar 7:50 khan Agape Hospital-ah boralin, a herliam ta!

Padma Shri Lalthangfala Sailo hi naktuk chhun dar 12 hian Chaltlang Presbyterian Kohhran Hall-ah vui a ni dawn a ni.

Padma Shri Lalthangfala Sailo hi Dohleia Sailo (L) fapa niin, 1933 khan a lo piang a, ziaktu lar, educationist niin, North Eastern Hill University Mizoram Campus-ah deputy registrar a lo ni tawh.

A nupui Lalhrimi Sailo nen fa - Ngurzidinga Sailo, Ngursangliana Sailo, Ngurhlunchhunga Sailo, leh Ngurzikpuii Sailo te an nei a ni.

Padma Shri Lalthangfala Sailo hi Mizo lemchan thawnthu bu puitling, mahni ziak ngei khawla chhut tichhuak hmasa ber a ni a, Mizo ṭawng thu leh hla lam hmasawnna tura theihtawp chhuahtu zinga mi, thu leh hla pawl - Mizo Academy of Letters (MAL) President ni rei ber niin, kum 2009 khan Padma Shri a lo dawng tawh a ni.

Padma Shri Lalthangfala Sailo hian Mizo tawngin article thahnem tak a ziah bakah, lehkhabu hrang hrang - AIDS dona thawnthu tawi, ral hlauhawm chu (Short stories), Zo kalsiam, Ainawn, Sangi Inleng (1959), Liandova te Unau (1969), Kalkhama leh Lianphunga (1999), Sual Man Thihna (1999) leh Ram Loh Lentu te a tichhuak tawh a ni.

MZP Hranghlui, hruaitu hlui Padma Shri Lalthangfala Sailo (Kum 92) hi -ah a boral a. Kum 1959-1960 khan MZP General Headquarters-ah Asst. General Secretary a lo ni tawh a ni.

Zirna lama a thawh hlawk avangin India sorkar chuan 2009 khan Padma Shri a lo hlan tawh a. Heng bakah hian, chawimawina hrang hrang - Sangeet Natak Akademi Award on playwright, Bharat Adivasi Award leh Pu Buanga Award te a dawng tawh bawk a ni.

• • • • • • 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ