Aizawl | June 18, 2025: Election Commission of India (ECI) chuan mipui-te hnenah rang zawka EPIC pek chhuah tumin hma a la a, Ruahmanna thar ang chuan Electoral Roll-a update hrang hrang tih atanga ni 15 chhung ngeiin EPIC hi Elector-te kuta hlan hman tum a ni. Hei hian electoral roll-a inziah luh thar emaw, vote nei tawh engemaw tihdanglam ngaite pawh a huam vek a ni.
Elector ten Voter ID tia kan hriat lar, Electors Photo Identity Cards (EPICs) an dawn vat theih nan thiltih dan tur Standard Operating Procedure (SOP) thar a tichhuak a, He SOP hian mipuiin EPIC an dawn hun a ti tawi dawn a. Electoral roll siamthar emaw siamthat ngai siamthatte chu ni 15 chhungin mipui hnenah Voter ID a thleng tawh dawn a ni.
ECI chuan mipui hnenah ni 15 chhungin EPIC thar a thlen tawh dawn a. He SOP thar hian ram chhunga voter tam takte tan rah tha a thlen beisei a ni. He kalphung thar hian, Electoral Registration Officer (ERO) lamin Voter ID an siam atanga Department of Posts (DoP) kaltlanga Voter-te hnen thlen a nih thlengin, mipuiin an voter ID siam mek / siam that mek dinhmun an hre zung zung thei tawh dawn a. SMS kaltlangin an Voter ID (EPIC) dinhmun an dawng zung zung tawh dawn a ni.
ECI chuan hemi atan hian ECINet platform-ah IT module thar a siam a. Hei hian hna thawh dan a ti changtlun dawn a, mipui hnenah EPIC an thlen zung zung theih nan ECINet hi DoP Application Programme Interface (API) nen thlunzawm a ni dawn bawk.
• • • • • •
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: