Mizoram 10 Ball Pool Championship 2025 - 2026 zo fel, Lalrina Renthlei a champ!

Aizawl | June 29, 2025: Mizoram Snooker and Billiards Association (MSBA) buatsaih Mizoram 10 Ball Pool Championship 2025 chu nizan (inrinni zan) khan a hamwr bawk a ni a, Tuikhuahtlang pa, Lalrina Renthlei a champ!

Tlai dar 5 atanga khelh, final match-ah hian Lalrina Renthlei leh Dinthar Veng pa, Lalchhandama te an insu a, a tir lamah frame an inlak chhawk zak zak hnuin, Dadama chet a phet a, Lalrina'n ke bai chungin a theihna a lantir a, 8 - 4 in a chak ta a ni.

Lalchhandama

Tun tum 10 Ball Pool Championship-ah hian Mizoram hmun hrang hrang atangin infiammi 60 chuang an tel a, knockout a khelh niin, First round leh Top 32 hi race to 4 (Frame 4 la hmasa sa chak) a khelh a ni a, Top 16 atangin race to 5, quarter finals-ah race to 6, semi finals-ah race to 7 leh final-ah race to 8 a khelh a ni.

David

He Championship-a tla hmasa te tan, nimin (inrinni) chhun khan One Day Tournament buatsaih leh a ni a, hei erawh, race to 3 veka khelh a ni thung. Hetah hian pakhatna hi David Lalnunhlima, Saron Veng leh pahnihna hi Henry L Hlawnmual a ni.