Aizawl | June 17, 2025: Mizoram Merchant Association (MIMA) leh Sihhmui khawtlang mipui aiawh - VC, YMA, MHIP leh MUP te chuan, "Mizo hming hawha hnam dang sumdawng / dawrkai awm phal loh ni rawh se," an ti.
Vawiin chhun khan MIMA OB te leh Sihhmui VC te, YMA te, MHIP te leh MUP te chuan,Sihhmui VCP Inah an meeting a, Sairang Rel station, Sihhmuia rel lo lut mai tur chungchang thlir lawkna neiin engtianga lo dawnsawn chi nge ni ang tih sawihoin, Mizo hnam himna kawngte an sawiho.
Sihhmui VC leh all NGO te hma lo lak tawh dan te ngaihthlain, resolution an pass.
JOINT RESOLUTION
1. ILP check point/gate Bairabi a awm hi changtlung zawk, felfai leh khauh taka enkawl ni se. Tin, Sairang Sihhmui Rail Stationah pawh hian ILP check point siam a, fel fai leh khauh taka enkawl ni rawh se. Hei hi Sorkarah thlen nise.
2. In hmun lo ram, hnam dang hnenah hralh loh ni rawh se. Tin, Sihhmui ram chhunga hmun hran atanga ram nei te pawhin hnamdang hnenah hralh loh ni rawh se.
3. Mizo hming hawha hnam dang sumdawng / dawrkai awm phal loh ni rawh se.
4. Mutria ten rate mumal leh fel zawka hna an thawh theih nan sorkarah hma lak ni rawh se.
-----------------
MIZORAM MERCHANT ASSOCIATION (MIMA) LEH SIHHMUI VC & ALL NGO TE MEETING
Dt 16 June 2025, Chhun dar 12:30 a MIMA OB te leh Sihhmui VC te, YMA te, MHIP te leh MUP te chuan,Sihhmui VCP Inah Joint meeting neih a ni a. Pawl tin atangin kal an tha hle a ni. Hetah hian tun maia Sairang Rel station, Sihhmuia rel lo lut mai tur chungchang thlir lawkna neiin engtianga lo dawnsawn chi nge ni ang tih sawihoin, Mizo hnam himna kawngte sawihona neih a ni a. Sihhmui VC leh all NGO te hma lo lak tawh dan te ngaihthlak a niin an hmalakna leh lo inpuahchah tawh dan report te ngaihthlak a ni a. An hma lo lak tawhna bawhzuina ni pahfawmin Joint meeting chuan hetiang hian joint Resolution a siam.
JOINT RESOLUTION
1. ILP check point/gate Bairabi a awm hi changtlung zawk, felfai leh khauh taka enkawl ni se. Tin, Sairang Sihhmui Rail Stationah pawh hian ILP check point siam a, fel fai leh khauh taka enkawl ni rawh se. Hei hi Sorkarah thlen nise.
2. In hmun lo ram, hnamdang hnenah hralh loh ni rawh se. Tin, Sihhmui ram chhunga hmun hran atanga ram nei te pawhin hnamdang hnenah hralh loh ni rawh se.
3. Mizo hming hawha hnamdang sumdawng/dawrkai awm phal loh ni rawh se.
4. Mutria ten rate mumal leh fel zawka hna an thawh theih nan sorkarah hma lak ni rawh se.
(LALTHLENGLIANA)
President
Village Council
Sihhmui
(C JOHANA )
President
Young Mizo Association (YMA)
Sihhmui
(B LALRINTHANGA)
President
Mizoram Upa Pawl(MUP)
Sihhmui
(LALDAWNGLIANI)
President
Mizo Hmeichhe Insuihkhawm Pawl(MHIP)
Sihhmui
(PC LALDINTHARA)
President
Mizoram Merchant Association (MIMA), General Hqts.
• • • • • •
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: