I PAWLTE NEN LET LEH SUH

  Tihdanglam Tawh

- Rick Warren

- June 2, 2025

“Amaherawhchu amah chu engah a awm angin keini pawh enga awm kan nih chuan kan inpawl tlang a, tin, a Fapa Isua thisenin kan sual zawng zawng min tlenfaisak thin a ni. Sual ka nei lo kan tih chuan mahni leh mahni kan inbum a, thutak chu keimahniah a awm lo a n.” 1 Johana 1:7-8

I pawlte nen chuan thuk zawka ke pen leh thlarauva thanzel in duh em? Rahbi thar kai in tum a nih chuan, in rilru natna te, in chin tha lo te, leh in beidawnna te in inhrilhtawn a ngai a ni.

Chumi awmzia chu i rilru hahna te, i harsatna te, i tihsual te, i tih felloh te, i chaklohna te, i phurrit te, thlemna leh i buaina te i sawi chhuah a ngai tihna a ni. Chutianga zau taka in inhrilhtawn chuan thuk zawkin in kal ang, in thangzel ang.

Engnge i harsatna emaw engnge lo thleng emaw an tih pawhin, “Ka tha e, engmah a ni lo e,” tiin chhang mai lo la. Nangmah ber i inhawn tlat loh chuan i natnaah pawh an pui thei lo vang che.

Pawlte te hmasawn leh than duh tak takte chuan an hun tha lo te, an rilru natna te, an hriatthiam loh te, Pathian laka hla taka awma inhriatna te an sawi chhuak thin. I sawi chhuah chuan, i pawlte zing atangin pui tur an lo chhuak anga, huaisenna an pe ang che.

Bible chuan, “Amaherawhchu amah chu engah a awm angin keini pawh enga awm kan nih chuan kan inpawl tlang a, tin, a Fapa Isua thisenin kan sual zawng zawng min tlenfaisak thin a ni. Sual ka nei lo kan tih chuan mahni leh mahni kan inbum a, thutak chu keimahniah a awm lo a ni.” 1 Johana 1:7-8

I pawlte chuan i nun kha a felfai vek biklo tih an hai lo, a chhan chu mi famkim i ni bik tlat lo va - tumah hi famkim kan awm si lo va. Engkim a tha vek angin lan tum suh. Chu chu in pawl awm chhan a ni lo.

I pawlte chuan harsatna hrang hrang an paltlang tlang vek a, sum leh paia tlakchhiatna te, cancer te, thialoh chantirna te, fate lusunna thlengin. Harsatna i hriat ang chin kha chu kan paltlang tlang vek a ni. Chutah chuan kan in tuarpuia, inhnem tawn turin kan awm hlawm a ni.

Jakoba 5:16  chuan, “Chutichuan, tihdama in awm theihnan in sualte thupha chawi tawn ula, intawngtaisak tawn thin rawh u.” 

In pawlte hnena in harsatna in inhrilhtawn hian midang a pui daih dawn lo va. In chaklohna in inhrilhtawn tam poh leh in inpui nasa tihna a ni dawn a ni. Chutianga i tih chuan hetiang hian in inhrilh tawn thei tawh ang, “Hei hi an paltlang vek theih chuan Pathianin a hmang ngei ang, chutiang bawkin kei pawh hi Pathianin min hmang thei ang tih ka ring,” tiin.

I harsatna leh i nun hrehawmna te i sawichhuah atang chiah khan i damna bul a intan tihna a ni.

Ngaihtuah zui atan

* Midang i harsatna i hrilh avanga i dam tawhna kha engtik nge ni kha?

* Pawlho anga kan awm hian inpuitawn thei tura Pathianin min siam hi engvangnge ni ang?

* I mi rin deuh hnenah i chaklohna i sawi theihlohna chhan hi engnge ni ang?

[Lettu: Sangpuia]