I HIM THEIHNAN PATHIAN RING RAWH

_Tihdanglam tawh_

By Rick Warren 

— June 09, 2025

“Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka novah hian a liam reng a.” Sam 23:5

Kan changkanna avang hian kan hlutna kan hloh nasa. Khawvel hi a nunrawng tawh takzet a ni!

Hemi chungchangah hi chuan internet hian nasa takin mawh a phurin ka hria, a chhan chu hmaichhana an sawi ngam loh tur thil te duhtawka an sawi theih ṭhin vang a ni. Hetianga ti ṭhinte hi chu an rilru tet vang a ni. Mi ropuite chuan midang an ti lawm thiam a, mi hmang hrelo te chuan anmahni hlimna tur an ngaihtuah a, chutiang kawngah chuan midang an tihnual ṭhin zawk a ni.

Engtinnge mi nunrawng te chu i hmachhawn ṭhin? Engtin mah ti suh. Pathianin hmachhawn zawk se la. Pathianin venghim zawk che rawh se.

Lal Davida kha hetiang kawngah hian a thiam em em a. Rilru, ṭawngka leh taksaa beihna a tawh kha a hmuchiang hle a ni. Tleirawl mai ala nih lai khan Samuelan lal ni turin hriak a thih a nih kha, nimahsela lal Saula chuan thah tuma a um avangin kum hnih chhung a tlanbo a ni tih kan hria. Hlauva a tlanchhiatna lamah Pukah te a biru a ni tih kan hria.

Nimahsela amah beia umzuitu lal hnenah chuan ṭawngkam bawlhhlawh reng reng a chhakchhuak lo. A rilru ang pu mi anih theihna turin lal ni turin Pathianin a buatsaih a ni.

Davida chuan Sam 23:5 ah, “Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka novah hian a liam reng a," a ti.

Davida chuan Pathian ṭhatna a hmu chiang hle a. Pathianin a lu a hriak a thih hnuah phei kha chuan, Pathian chuan hetiang hian a ma chungchang a sawi angah a inngai a, “Hei hi ka fapa a ni! Tawlhkir rawh! Lal nimai tur anih hi,” tiin. Davida no chu a liam reng, chumi awmzia chu miin an beih lai pawhin Pathianin mal a sawm reng a ni.

Davida chu rilru hah miah lo vin a awm tihna em ni? Ni lo! A invenna turin a theihnate engmah a thawhchhuah pui lo. Amah veng turin Pathian chu a ring tawp mai a ni. 

Miin an beih lai che chuan, nangmah hrethiam lo va ralkhat aṭanga nasa taka an beih lai che chuan Pathiana innghat tur chuan rinna leh tlawmna nasa tak neih a ngai a ni. Chutiang dinhmuna i din a chhanlet i duh hun lai tak chuan engnge lo thleng. 

Beih i nih laia i ngawih tlat hian Krista anna kawngah i ṭhang mek tihna a ni. Isua pawh khan beihna a tawk nasa hle mai, kraws kawngah ngei pawh khan a tawk a ni, nimahsela a chhang let ngai lo. Pathian a ring a Pa, Pathian kutah engkim a dah avangin chhanglet lo vin a ngawi reng zawk a ni.

“Chuvangin, Pathian remtihzawng anga tuarte chuan thil tha tiin an thlaraute chu Siamtu rinawm tak hnenah kawltir rawh se.” (1 Petera 4:19).

Ngaihtuah zui atan

* Nangmah beitute beihlet tuma ṭan i lak hian? Engnge a rahchhuah le?

* Beih i tawh hun engtiklai khan nge ngawi renga i awma Pathian chhanlet tura i dah  le? Nangmah ngeiin beihlet tuma ṭan i lakna nen engnge a danglamna le?

* Pathian kuta dah ngam turin vawiinah hian eng harsatna nge i neih le?

*[Lettu: Sangpuia]*