Aizawl | May 27, 2025: ZPM Thalaiin chuan vawiin khan thuchhuah siamin, Hachhek bialtu MLA, MNYF President ni bawk Robert Romawia Royte (RRR) chu thu dik lo sawi tawh lo turin an chah!
ZPM Thalai thuchhuah chuan, "Nimin 26th May 2025 Hnam Run inkhawmah Hachhek bialtu MLA, MNYF President ni bawk Pu Robert Romawia Royte chuan a ze ngai chhuahin thudik tawk lo a sawinaah, "Zampui chhehvel-a cheng khuate ZPM Kaihhruai Sorkar chuan thla 4 chhung lekin YMA President leh VC Secretary telin mi 85 chu Mizoram Ration Card atangin a paih," ti a, thudik lo hmanga ZPM Sorkar a puh ta mai hi pawi kan ti a, MNF Sorkar mawng a hlim chiang hle ah kan ngai a ni," tiin a tarlang a.
"Tripura Sorkar hian MNF Sorkar lai khan Zampui chehvel (Phuldungsei)-a cheng te hnenah hian Aadhar authentication, RCMS an lo ti hmasa zawk a, MNF Sorkarah khan Mizo Hnam rilru pu mi lo la awm chu nise he thil hi Zampui Tlang dung khaw hrang hrang a mipuiten harsatna an tawk lo turah ZPM Thalai chuan a ngai a ni. Ram leh Hnam rilru pu tlat kan Supply Minister Pu B Lalchhanzova chuan Mizoram khua leh tui humhim nan hma la in, chhungkaw 21-a mi 85 tan Manual Ration Card a pe nghal a ni. Thlatin AAY quota buhfai kg 35 chu chhungkaw 21 hnenah an pe ziah bawk a ni. Tin, heng mi 85 te hi Tripura atanga in paih tir tura ngen a ni." an ti bawk.
"Hachhek bialtu MLA Pu Robert Romawia Royte hian Assembly Session ah Phuldungsei khua a Ration Card chungchang mawi leh mawilo pawh thlu lo a a sawi chhuak chu FCS&CA Minister Pu B. Lalchhanzova'n hawihawhawm leh mawihnai takin Pu Robert Romawia Royte- a thu hi a lo senghawi fel tawh kha a ni a, thil chinchang hmu thiam chinte chuan FCS&CA Minister Pu B. Chhanzova thil sawi dan kha zahawm an tiin Pu Robert Romawia kha zak thei chi chu ni se zak ve hle turah an ngai a, Thudik lo hmanga Politics khelh hi Kalphung thar hunah chuan Mizo mipui ten an kham tawh tih hi ZPM Thalai Hqrs chuan kan chah duh bawk a ni," tiin vawiin khan thuchhuah siamin an tarlang a a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: