Aizawl | May 28, 2025: Tukin zing dar 2-3 inkar velah khan, Phuldungsei, Thaidawr tlang panna bul a Tripura sawrkar-in Forest Guest House an sak mek chu tu tih hriat loh ten an bomb a, a chhe nasa hle.
Phuldungsei Mizoram chhungah, Tripura sawrkar-in Forest Guest House an sa mek a. Hei hi Mizoram pawl hrang hrangin an ngaimawh hle a, a hmunah pawh an lo tlawh fo tawh thin a ni.
April ni 16, 2025 (Nilaini) chawhma dar 11:00 khan MZP General Headquarters, Aizawl hruaitute chuan Thaidawr tlang, Phuldungsei Mizoram chhunga Tripura sawrkar-in kut an thlakna hmun tlawhin an enfiah a. Hmalakna titawp turin an lo hriattir tawh.
MZP chuan, Mizoram chhunga Tripura sawrkarin kut a rawn thlak fo chu hriatthiam har an ti a, helai hmun a hmalakna zawng zawng hi ti tawp nghal turin a hmun a hnathawktute hriattir nghal a. Mizoram sawrkar pawhin Tripura sawrkar hi a rang lama an hmalakna zawng zawng ti tawp tura hriattir turin an ngen nghal a ni.
Mizoram sawrkarin Thaidawrtlang panna kawng link road laih tlang pawh sawrkar hian ngaihven zui nghal vat turin MZP chuan a ngen bawk.
He hunah hian, Phuldungsei Village Council hruaitute leh Mizo Convention: Youth Wing, Jampui Hills te'n MZP hruaitute hi an tawiawm a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: