Aizawl | May 2, 2025: Vawiin ni 2 May, 2025 (Zirtawpni) chawhma dar 11:00 khan Mizo Zirlai Pawl (MZP) rorelna sang ber dawttu Federal Council Sitting vawi 58-na (2023-2025 term-ah vawi 2)-na chu MZP Conference Hall Aizawl-ah neih a ni a. He hun hi MZP Vice President Dr C Lalremruata'n a kaihruai.
He hunah hian MZP President, Federal Council Sitting House Leader ni bawk H Lalthianghlima chuan House Address-in, “Pawl chhung thil pawimawh hrang hrang sawiin, MZP hruaitute chuan zirlaite leh ram leh hnam tan ngaihtuahna kan seng tur a ni a, zirlaite hamthatna tur a nih phawt chuan huai takin ke kan pen tur a ni. Ram leh hnam tana thil tha turah chuan min do tu awm mahse huaisen takin hma kan la tur a ni” a ti. MZP chuan fim takin ngaihtuahna kan seng tur a ni a, mi dang leh pawn lam mite fuihpawrh leh hmanruaah kan tang tur a ni lo, a ti bawk.
MZP President chuan, tun hnaiah kan unau Mizoram bela rawn raltlantengaihtheih lohna a lian hle a, thu diklo leh belhchian dawllo hmanga raltlante beihna hi finfiah hmasa zel turin mitin ka ngen a ni tiin, zofate in unauna tichhe thei lak atangin i fimkhur ang u a ti.
House Leader chuan rorel palai MZP Hqrs, Sub Hqrs leh Branch hruaitu kalkhawmte hnenah zirlai hlawhtlinna changte lawmpuina neih tum vek turin a chah bawk a ni.
MZP Federal Council Sitting vawi 58-na palai; MZP Headquarter, Sub Headquarters, Branch, Hnampual leh College S.U aiawh kalkhawmte chuan a hnuaia mite hi lungrual takin pawm a ni:-
1. Mizoram in State University tha tak a neih theih nan, Mizoram State University Act 2025 hi MZP in zirchianna neih a, a tul anga hmalak ni rawh se.
2. Indo Myanmar Border hung tumna hian, zofate inpumkhatna atan harsatna a thlen dawn avangin, MZP in dodal zel ni rawh se.
3. Zirtirtu aikal la te lakah sawrkarin action a lak theih nan MZP in hma la rawh se.
4. School thenkhat sawrkar atanga hlawh la te'n fee sang taka an la thin hi tih tawp anih theih nan MZP in hma la rawh se.
MZP Federal Council Sitting vawi-58na ah hian, rorel palai 85 an kalkhawm a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: