Aizawl | May 1, 2025: MZP Headquarteds, Lunglei chuan Total Bandh neih an tum an ṭhulh!
MZP hian, sawrkar lam aṭanga an thil phutte tih hlawhtlinna tur order an hmuh avangin total bandh neih tum an ṭhulh tih thuchhuah siamin an tarlang.
MZP Lunglei hian, ATL Road sum pawhpen dahlet an phut a, hmun dang leh project danga hman heu emaw pawhpen an remti lo a ni.
April 28 aṭang khan ATL road hi Pukpuiah an dang a, April 29 leh 30 khan Pukpui leh Hrangchalkawnah kawngban dang bawk.
Nimina an thuchhuahin a tarlan danin, vawiin hi awlin, naktuk, may 2 aṭangin tiamchin awm lova Total Bandh kalpui an lo tum tawh a ni.
Vawiin ni 1 May, 2025 chawhnu dar 12:30 p.m a Mizo Zirlai Pawl Headquarters:Lunglei Executive Emergency Meeting neih chuan Total Bandh ni 2 May, 2025 (Zirtawpni) a neih a tum chu sawrkar lam aṭanga an thil phutte tih hlawhtlinna tur order an hmuh avangin ṭhulh nise tiin a rel.
Sd/-
Secretary
MZP Hqrs.: Lunglei
MIZO ZIRLAI PAWL
HEADQUARTERS:LUNGLEI
PRESS RELEASE
PR No.-26 of 2024-2026
Vawiin ni 1 May, 2025 (Ningani) chawhnu dar 12:30 p.m MZP Hqrs. Lunglei Emergency Meeting neih chuan *ATL road sum pawhpen duh loh lantirna* chungchanga an kal zel dan tur an ngaihtuah a, meeting hi Pu Johan Hmangaihzuala Ralte in a kaihruai a ni.
Meeting chuan sawrkar aṭanga an thil phut ATL road siamna tur sum pawh pen dah let tura a ngiat cheng vaibelchhia 44.89 aia tam cheng vaibelchhia 58.99 an dahna order bakah CRRI mithiamte’n zirchiang tura ruahmanna an chhawp chhuah leh tuna sawrkar in an sum dah baka a daih loh chin zawng pawh dah zel a nih tur thu an dawn avangin meeting chuan ngun taka ngaihtuahin Total Bandh neih tura ruahmanna a lo siam tawh chu a 'Call-Off' ta a ni.
Meeting Chairman MZP Hqrs. Lunglei President Pu Johan Hmangaihzuala chuan hmalakna an neih chhung zawng a theihtawp chhuaha thlawp tlat tute leh thil pek pe tute zawng zawng chungah lawmthu a sawi a. Lunglei leh Chhim mipuite ṭanrualna vang liau liau a ni tih a sawi bawk.
Mizo Zirlai Pawl Headquarters, Lunglei chuan hmalakna a neih chhunga mipuite leh khualzinte harsatna a thlen avangin an hriatthiamna a ngen a. Hmalak a nih ṭan tirh aṭanga theihtawp chhuah a thlawp tlattu pâwl hrang hrangte leh Chhim mipuite inpekna vang liau liau a hlawhtlinna hi chang a ni tih in hriaiin, an chungah lawmthu a sawi tak meuh meuh a ni.
Hetih rual hian MZP Hqrs.: Lunglei chuan Sawrkar chu a intiamna-ah a ding nghet em tih a enfiah in a enzui zel dawn a. Chhim mipuite tana kawng ṭangkai tak ATL road hi an siam tirh aṭanga a tawp thlengin a vil zui zel dawn a ni.
Ṭanrual hi chakna.
Dated Lunglei the 1st May, 2025
Issued by: Mizo Zirlai Pawl Headquarters, Lunglei
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: