• Kum 15 chhung mipuite tana hna tha tak lo thawk tawhin Mizoram-ah pawh hmalakna tam tak an nei tawh
Aizawl | May 24, 2025: India rama hriselna dinhmun siamthatna atana thawktu pawimawh tak Manipal Hospitals chuan Mizoram leh hmarchhak mipuite hnena in enkawlna tha pe tura a inpekna chu nem nghetin khawvel hmun dangte anga in enkawlna tha a buatsaih a. Kolkata-a an hmunpui kaltlangin Superspecialty hospital panga awm tawhin – AMRI leh Medica Superspecialty Hospital-te hnung zuiin – Manipal Hospitals hian he biala enkawlna tha zawk a awm theihna turin hma a la a. Kum 15 chuang zet chu AMRI group leh Medica Superspecialty Hospitals te hian Mizoram atangin damlo 15,000 chuang an enkawl tawh a, heng zingah hian Medica Superspecialty Hospital (Manipal Hospitals Network unit pakhat)-a kal thlak hlawhtling 70 chuang an awm tawh a, hlawhtlinna rate chu 95% a ni.
Manipal Hospitals-a tel Medica hi kum 2017 aṭang khan Aizawl Hospital & Research Center nen an inzawm a, hei hian Outreach Clinics chu Neurosurgery, Respiratory Medicine, Orthopaedics, Urology, Nephrology & Endocrinology ang chi speciality-ah te kalpui a ni.
Dr. Debraj Jash, Director, Department of Respiratory Medicine, Manipal Hospitals chuan, “Thawkna lam natna, COPD, asthma, lung natna, leh hetiang kaihhnawih hrang hrang te hi a hluar chho zel a, hun rei tak chhung enkawl an ngai fo thin a. Mizoram ang bial-ah hian harsatna hrang hrang a awm bakah natna nei ten hmun pui zawk an panna turin harsatna an tawk nasa hle a, hemi sukiang tur leh damlo te tan inpekna nasa zawk nen OPD ah te lung lam enfiah te leh hetiang lam enkawlna chu tam zawka buatsaih kan tum a ni.”
Dr. Harsh Jain, Senior Consultant, Neurosurgeon and Spine Surgeon, Manipal Hospitals chuan, “Kum tam tak chhung chu Mizoram atanga damlote zingah a bik taka enkawlna mamawhna a sang chho zel tih kan hmu a — chutah chuan thluak natna, ruh natna (spinal cord compression, trauma, leh degenerative spine diseases) te kaihhnawih tam tak te pawh a tel a ni. Kan thlen theih chin clinic leh doctor rawn theihna te hian a hun taka enkawl leh a hnu lama inenkawlna tha zawk thlengin kan buatsaih sak a ni.”
Dr. Kaushik Biswas, Senior Consultant, General Medicine and Endocrinology, Manipal Hospitals chuan, “Hmarchhak state hrang hrangah, Mizoram pawh huamin, natna khirh tak tak, zunthlum, hypertension, thyroid disorder, leh metabolic syndromes te hi a pung zel a, Manipal Hospital-ah hian he bial atanga damlote chu enkawl an ni thin a, kan OPDs neih thin leh Mizoram chhunga damdawiin te nena thawhhona tha tak kan neih hmang hian inenkawlna tha zawk leh damdawi tha zawk hmangin hriselna tha zawk thlen kan tum a ni.”
Manipal hian Cardiology, Cardiac Surgery, Neurosurgery, Orthopaedics, Oncology, Nephrology ang chi specialty hrang hrangah state mipuite hlawkna tur atan Aizawl-ah OPD kalpui a tum bawk.
Tun tuma an hmalakna turah chuan Civil Hospital nena thawk tlang tur leh Association of Physicians of India Mizoram nena Continuing Medical Education (CME) hmanga inthlunzawmna a ni a, chutiang chuan speciality hrang hranga inenkawlna kawnga hmasawnna thar ber berte chu inhrilh tawnin Mizoram mipuite hriselna tha zawk chhawpchhuak sak an ni dawn a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: