~ Zoa Tlau (12.05.2025) Chawhnu dar 4:00
Buannel Cabin
India chuan a thutlukna chiang taka puangin tun indo-a Pakistan lam âwn deuh nia mite ngaih mêk United States of America (USA) hnenah Pakistan Occupied Kashmir (POK) chu India hnena a pek kir loh chuan inbiak ṭul a ti lo tih a hrilh a.
Pakistan-in Kashmir a awp chin (Pakistan Occupied Kashmir) chu India hnenah a pek kir leh bakah, firfiak (terrorist) te India kuta a hlan chuan inbiakna hi an nei thei ang India chuan tiin US hnenah a hrilh a ni.
"Keini chuan Kashmir chungchangah hian thu chiang tak pakhat kan nei a, chu chu Pakistan-in Kashmir a awp chin te India sorkar hnena a pekkir a ni a. A bak chu sawi tur kan nei lo. Firfiak te kan kutah an rawn hlan dawn a nih chuan kan inbe thei ang. Hei bak hi chu sawi tur em em kan nei tawh lo. Kan inkara inbiakna kawngah a kara tla min remtu tumah kan duh lo a, kan kara tla tumah kan mamawh hek lo," tiin India sorkar sources chuan a sawi a ni.
India sorkar hian Pakistan nena an inremna kawnga an kara lo tla an awm hi an duh lo hle a, US ngei pawh inrawlh lo se an duh tih chiang takin an tarlang a. Hei mai bakah hian Pakistan awp chin Kashmir neih kir an phut tlat a, an thil phût ngam aṭang hi chuan India hi a huai zawk leh chungnung zawk an ni a tih theih ang.
India hian inbiakna hrim hrim nei tur pawha firfiak te an kuta hlan tur tea an tih aṭang hian inbiak mamawh lo zawk an ni a tih ngam awm bawk e.
Source: India Today
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: