Aizawl | May 1, 2025: Mizoram Public Service Commission buatsaih Mizoram Civil Services (Combined Competitive) Examinations - 2024 result nimina chhuak a topper Samuel Malsawmzuala chuan, "hlawhtlinna rah hi thawkrim zawng zawngte hian an seng vek lo," a ti a, "engkim tan hun ruat a awm tih te mai chauh hi niin ka hria!" a ti bawk.
Samuel Malsawmzuala chuan, "Lawmpuina min hlantu zawng zawng te, lawmthu ka rawn sawi leh tak meuh meuh a ni." a ti a.
"Chutih rualin ka sawi duh daih zawk chu, hlawhtlinna rah hi thawkrim zawng zawngte hian an seng vek lo a, a seng te pawh an phu bik vang a ni kher chuang lo bawk, engkim tan hun ruat a awm tih te mai chauh hi niin ka hria." a ti a.
"Kan thiante, a hun a la thlen loh vanga vanduai ta te pawh an awm a, kan lawm lai hian an dinhmun tur ka ngaihtuah hian pachan a ngai hle dawnin ka hria. Pathianin a hun taka par chhuah turin min duang vek a, chu chu hmuthiama, thleng thei turin thlen chin atangin hma sawn zel ang u aw." a ti bawk.
Mizoram Civil Services (Combined Competitive) Examinations - 2024 topper Samuel Malsawmzuala, S/o JH Laldingliana A-52, Tuikhuah Veng, Serchhip hian Mark 605.3 a hmu a, MCS atan a tling a ni.
Mizoram Civil Services (Combined Competitive) Examinations - 2024 Topper Samuel Malsawmzuala hi MArian High School, Serchhip aatangin pawl 10 a pass a, HSSLC hi St Paul's HSS atangin a pass leh a, pawl 10-ah Mizoramah 4na niin, HSSLC-ah chuan Science Stream-ah pahnihna a ni thung.
Under Graduate erawh Pachhunga University-ah kalin, B.A a la a, Economics-ah topper a ni a, MZU BA Gold Medalist a ni a, MA chu University of Hyderabad-ah zir zawmin, Topper a ni leh a ni.
Tun tum hi MPSC hnuaia Mizoram Civil Services (Combined Competitive) Examinations a hmachhawn hmasak ber a ni bawk.
MZU BA Gold Medalist 2020 a nih tuma Explore Mizoram leh Samuel inkawmna
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: