Govenor-in LADC CEM atan N Zangura ruat

byAdmin — 0
Aizawl | May 2, 2025: Mizoram Governor chuan, vawiin khan  Lai Autonomous District Council (LADC) Chief Executive Member (CEM) atan N Zangura, MDC a ruat.


N Zangura hian ni 10 chhungin CEM atan thlawptu a ngah tawk leh tawk loh fiahna a paltlang a ngai dawn a, fiahna a paltlang chuan tun term chhunga LADC CEM palina tur a ni dawn a ni.


N Zangura, MDC chuan, "CEM ni tura Governor-a lehkha kan thehluh chu Approval a chhuak tawh tih vawiin inkhawm ah hian ka puang a, BJP chuan CEM LADC-ah kan nei dawn a ni," tiin BJP Chhung INkhawm-ah vawiin khan a sawi.

N Zangura chuan "Assam Chief Minister, NEDA Convener ni bawkin, ADC-te harsatna sutkian a nih theihna tura min puih a tum thu leh ADC-te tana Assam ah House hmun tur min pek a tum hi a ropui êm êm  a, hei hi a chhan chu, ADC-a BJP kaihhruai Sorkar a pian vang a ni," a ti.

Zangura chuan, "LADC Politics hi Mizoram mipuite hian kan hmuh dan a diklo tawh a, thuneihna duh hrim hrim vanga Party chhuahsan anga ngaihna a awm ṭhin a ni. Nimahsela hei hi a ni lova, Lai mipuite hian Development kan duh a, chumi thlenna tur chu kan thlir ber a ni a, tuna Sorkar kan siamna turah hian kawng hrang hranga min tihbuai tumtu, tute pawl emawin hmanruaa hman tum an awm a, hei hi a pawi êm êm a, hetiang thil thleng hi Politics bawlhhlawh tak a ni in ka hria. MDC hruaitu thenkhat ten District Council chungchanga Office an dawr tum a, District Council & Minority Affairs Minister PA-in a, MDC-te hmusit taka a ṭawngkhumte kha tun hnuah chuan thleng nawn tawh lo se, Minister PA khan MDC-te mai ni lovin, Lai Mipuite min hmuhsitna ah a ngaih theiha, chuvangin BJP Sorkar kaihhruai piang tur hi dodaltu an tam êm êm a, mahse  vawiinah chuan Pathian remruatna in BJP kaihhruai Sorkar kan nei thei dawn ta a, Sorkar ngelnghet leh LADC-a hmasawnna a thlen theih nan theihtâwp chhuahin hma kan la dawn a ni," a ti bawk.

BJP Mizoram State President Vanlalhmuaka chuan, "Mizoram hi Vision nei ṭha CM neihna hmun kan ni a, kan CM lo ni tawh te leh ni mek te hian Vision chu an nei ṭha ṭhin hle a ni. Nimahsela a pawimawh lai tak erawh chu Vision nei ṭha ni lovin, a tihhlawhtlinna zawk hi a pawimawh lai tak chu a nih avangin Mizoram hian Vision nei ṭha CM chauh nilo, Vision/Manifesto anga tihhlawhtling thei CM kan mamawh zawk a ni," a ti.

Hmuaka chuan sawi chhunzawmin, "LADC-ah BJP-in CEM kan nei dawn ta a, ADC pathumah BJP kaihhruai Sorkar kan han nei thei hi a lawmawm hle a, tun hma aṭangin State-a Sorkar lai te pawhin ADC pathum ah meuh chuan a ruala Sorkarna an siam thei lova, tuna BJP-ina ADC pathuma Sorkarna kan siam hian ADC-te'n an duh ber chu Development a ni a, Development ṭha zawk beisei leh Development Party BJP kan nih avangin beiseina sang tak neiin BJP Sorkar kan nei thei ta a, an beisei ang ngei hmasawnna pe turin theihtâwp kan chhuah anga, Central hruaitute kaihruainain theihtâwp chhuahin hma kan la ang a, hei hian 2028 MLA Election lo awm tur ah phei chuan Mizo mipuite hi kan fing viau tawhin a rinawm a, thu chauh a, Development leh Kuthnathawktute hmangaihna hian ram ṭhatna a thlen loh avangin, a taka Development pe thei BJP hi thlanna chang kan hriat tawh ngei a rinawm a ni," a ti bawk.

Inkhawm ah hian BJP State Yuva Morcha Vice President Alex Lalchhuankima sunna hun hman niin, BN Thangpuia, MDC (LADC) pawhin thu a sawi bawk a ni.





• • • • • • 
Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]




• • • • • • 
Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post