CESJ-in dumping ground pawna bawlhlawh paih enfiaha sawifiah turin AMC an phut!

Aizawl | May 7, 2025: Centre for Environment and Social Justice (CESJ) chuan nimin khan thuchhuah siamin, "Airfield dumping ground pawnah bawlhlawh an paih," niin an tarlang a. He thil hi a rang thei ang bera AMC-in a enfiah a, a sawifiah an phut a ni.

CESJ chuan, "AMC bawlhlawh paih motor-in Airfield dumping ground pawna bawlhlawh an paih nia sawi video CESJ in kan dawng a. AMC te zawh fish nghal niin, AMC hotute chuan "kan ram chhung a ni a, a chhung lam chinfel zeuh chhung lo paih tir rih an ni" tiin min chhang a. Kan hnena rawn report-tute kan han zawt fiah leh a, Bawlhhlawh an paihna hmun hi AMC ram pawn, bamboo link road anih tha an sawi chiang si a. A rang thei ang bera AMC in a enfiah a, a sawifiah kan phut a ni." an ti.

CESJ chuan bawlhhlawh leh leivung vanga kan lui thi mek a lo dam leh a, a tlantu lui nungcha leh mihringte an hrisel theih nan - Dan bawhchhiaa leivung leh bawlhhlawh chi hrang hrang, kawngpui kam leh lui kawra paihtute, an paih lai an motor number langa thlala thei hnenah lawmman siam an tum tih thuchhuah hian a tarlang a. Lui chhanchhuah beihpuithlak an tum hi thla 3 atan ruahman a ni.

Environment First, Development Second'

Thawhlehni May 06, 2025

AIRFIELD DUMPING GROUND PAWNA BAWLHLAWH AN PAIH.

AMC bawlhlawh paih motor-in Airfield dumping ground pawna bawlhlawh an paih nia sawi video CESJ in kan dawng a. AMC te zawh fish nghal niin, AMC hotute chuan "kan ram chhung a ni a, a chhung lam chinfel zeuh chhung lo paih tir rih an ni" tiin min chhang a. Kan hnena rawn report-tute kan han zawt fiah leh a: Bawlhhlawh an paihna hmun hi AMC ram pawn, bamboo link road anih tha an sawi Chiang si a. A rang thei ang bera AMC in a enfiah a, a sawifiah kan phut a ni.

Faina leh thianghlinina lama Aizawl khawpui enkawltu UD&PA/AMC in leivung leh bawlhhlawh paihna dan a kenkawh that loh vanga kan lui ecosystem zawng zawng chhe nasa lutuk ta hi CESJ chuan pawi a ti takzet a. Dan an kenkawh that loh bakah leivung leh ek paihna hmun a ruahman mumal loh avangin khawpui dai hmun remchang lai apiangah ek, leivung, in sakna hnawmhnawk tawih thei lo, dawrkai hnawm leh bawlhhlawh chintin paih a ni thin tih kan hrechiang hle bawk.

Leivung leh bawlhhlawh paih khapna dan kenkawh mumal loh vangin, ruah sur tam deuh apianga kan tui tlan, Tlawng lui nu vangin tui a pump theih lo a, tui kan nghei ziah a. Kan lui nungchate tan leivung leh bawlhhlawh vangin damkhawchhuah ngaihna a awm tawh lo a, lui tui ringa nung tawk tawk, mihringte tan hrisel theih a ni hek lo.

Chuvangin, CESJ chuan bawlhhlawh leh leivung vanga kan lui thi mek a lo dam leh a, a tlantu lui nungcha leh mihringte kan hrisel theih nan- Dan bawhchhiaa leivung leh bawlhhlawh chi hrang hrang, kawngpui kam leh lui kawra paihtute, an paih lai an motor number langa thlala thei hnenah lawmman kan siam dawn a. Hemi atan hian CESJ member leh mipui a duh apiang tan pawisa thawh theihna te kan la rawn ruahman ang. Lui chhanchhuah beihpuithlak kan tum hi thla 3 atan ruahman a ni.

Media & Publicity Cell

Centre for Environment and Social Justice (CESJ)