BJP-in Waqt Act chungchang inhrilhfiahna buatsaih; Pahalgam inthahna an dem zia an lantir

Aizawl | May 5, 2025: BJP Mizoram chuan vawiin khan Waqf Act chungchang a inhrilh hriatna hun chu Hotel Regency Zarkawt ah neih niin, Workshop hi Mizoram Speaker hlui Lalrinliana Sailo, Convener Waqf Bill Ammendment in inkhawm a kaihruaia, BJP Mizoram State President Vanlalhmuaka'n lawmna thu sawiin, BJP Mizoram State Spokesperson Lalremsangi Fanai -in Felicitation hun a nei a, Union Minister of State for Textile & External Affairs changtu Pabitra Margherita chuan Waqf Act l chungchang sawifiahna hun a nei a ni.

Union Minister of State for Textile & External Affairs changtu Pabitra Margherita chuan Narendra Modi kaihhruaina hnuaia Waqf (Amendment) Act, 2025 pass a nih tak avangin inthlak danglamna duhawm tak kan tawng ta a. He dan hi siamṭhat chauh ni lovin chanchin hlui diklo tak takte a siam ṭha nghal a ni. He dan siam ṭhat hian khawtlang hamṭhatna a hlen chhuah theihna tura ruahman a ni.

Pabitra Margherita chuan Kan Prime Minister zahawm tak chuan bill siam ṭhat pass tak hian khawtlang ei leh bar chungchanga inrelbawlna dik, lang tlang taka hmalakna leh mi zawng zawng huapzo hmasawnna kan zawnna kawnga kailawn pawimawh tak a ni, tiin a lo sawi tawh a, he bill thar hian a bik takin hun rei tak chhung khawtlangah indaidanna zau tak lo awm ṭhin chu a zim theih nan a pui dawn a, mipui aw leh theihna pholan lama indaidanna lo awm ṭhin te pawh a titawp tawh dawn a ni a ti.

Waqf (Amendment) Act, 2025 hi dan siam ṭhat mai a ni lova-khawtlang nunphung chawisang tura hmalakna pawimawh tak a ni. He dan hi Democracy dan dik tak kalpuia pass a ni a, thla 5 chhung zet, member 31 awmna Joint Parliamentary Committee (JPC) meeting vawi 38 neih a nih hnu, petition 7,772 thlirletna neih a ni a, palai 284 nena inrawnkhawmna buatsaih a nih hnuah, online-a rawtna maktaduai khat vel thlirletna neih niin Parliament-a darkar 25 chuang sawihona neih a nih hnua pass a ni a ti.

Pabitra chuan he dan siamṭhat a nih chhan bulpui ber chu, mi zawng zawng huapzoa hmalak tumna vang a ni. A vawi khatna atan Muslim community chhunga mi hnuaihnung zawk; Bohras, Aghakhanis, leh backward class Muslim-te chuan State leh UT Waqf Board-ah mandatory representation an nei tawh dawn a ni. Hei bakah hian tunah chuan Waqf Board leh Central Waqf Council tinah Muslim hmeichhe pahnih tal an thawk tawh dawn bawk. Hei hian hun rei tak chu la awm ngailo intluktlanna chu a thlen tawh dawn a ni a ti.

He dan siamthatna hnuaiah hian hmeichhiate dikna chanvo pawh a dah pawimawh hle a. Waqf hnuaiah Chhungkuate chuan an fanu, hmeithaite, leh an pasal nena inṭhen tawhte’n dan anga an chanvo an dawn theihna tura hmalak chu an dah pawimawh ber tur a ni. Heng thilte hi chinfel a nih chuan sum leh pai lamah pawh thianghlim leh lang tlang taka inrelbawlna, hmeichhia leh mipa inthlauhna, leh khawtlang ei leh bar lama hmasawnna a thlen ang a, waqf institution-te chu mi zawng zawng huapzo leh mi zawng zawng tana hlawk zawka siam a ni ang a ti.

Pabitra Margherita chuan he dan siam ṭhat hian dik taka hmalakna leh dan intluktlanna a siam thar leh a ni. Tunah chuan kum nga tal Islam sakhua zawm tawhte chauhvin waqf an siam thei tawh a, chu chuan Waqf puan chhuahnaah dikna a tichiang dawn a ni. Waqf (Amendment) Act, 2025 hian accountability leh professional oversight tihpuitlinna hmanga waqf economic potential hawn a tum a ni. Ram hlut zawng crore nuai tam tak man hu lo enkawl mah se, waqf hian kum 2025 khan ₹126 crore chauh a la lut a, hei hi kum khata a lak luh theih zat; ₹12,000 crore aiin a tlem hle a ni a ti.

Pabitra Margherita chuan he Dan hian digital governance a hmang dawn a. Tunah chuan waqf record zawng zawng chu national portal-ah dah vek a ni tawh dawn a, registration tinte chu lang tlang leh dan dik taka kalpui a nih theih nan a pui dawn a ni. Hei hi dan siam ṭhatna mai ni lovin-moral reset a ni. Rinawm leh langtlang taka ram leilung enkawl, dikna chanvo, rorelna dik leh mi zawng zawng huapzo lungphum chunga awm tlan vekna India thar din chungchang a ni. A tawp berah chuan Hon’ble PM Narendra Modi Ji-a inpekna ka sawi nawn leh duh a, Mizoram leh hmarchhak pumpui hi India ram ‘Ashtalakshmi’ kan nih thu leh hmarchhak bial leh Mizoram mipuite hmasawnna leh chawisang turin kan inpeih reng a ni, tih ka sawi bawk a ni a ti bawk.

He hunah hian Abdul Hussain Advocate, Lalhriatrenga Chhangte Advocate, Synod Moderator hlui Rev Lalramliana Pachuau ten Waqf chungchang an sawifiah bawk.

Inkhawm zawhah hian BJP Mizoram chuan Vanapa Hall kawtah Pahalgam inthahna an dem zia an lantir a. Pakistan Terrorist ten a Pahalgam a khualzin mite an thah duhlohna entirna lantirna hun hman a ni bawk.