Aizawl | May 20, 2025: Adviser to CM (Hand Holding) Dr. KC Lalmalsawmzauva'n Sawhthing Sawngbawl tura MAMB in Firm leh Mimal (13nos) a thlan chhuahte hnenah Training on Ginger Processing, CDAR, Tuirialah Programme a hman pui.
Vawiin 20th May 2025, 11AM khan Ginger Processing Centre, CDAR, Tuirial ah Mizoram Agriculture Marketing Board huaihawtin Sawhthing Process dan Training pek a ni a, Theory leh Pratical Training neih a ni.
Chief Guest Dr. KC Lalmalsawmzauva, Adviser to CM chuan Training hawnna leh thusawina neiin "Kan flagship programme tihhlawhtlin kawngah pass mark kan hmu a. Kan thlai thlan bik 5 zingah Hmarcha pawh sawrkar buaipui lutuk ngai loin farmer ten an hralh zo theia, Mizo buh kan lei tawha, Aieng 400 quintal kan leia, kan la lei belh meka, hmunphiah pawh harsatna tlem tawk deuh ma ila, tunah chuan Support price period chhung a thar chu kan lei zo thawkhat tawh. Sawhthing pawh hi duhthusamin kal thei chiah lo mah ila, tunah hian 1,14,622.82 quintal kan lei tawh a, Mizoram history kan siam tawh a ni." a ti a, "Kan sawhthing thar te state dang leh ram dangah Mizoram an hriat theih nan Mizo Brand siam a ni dawn a, a packaging material-ah Marketing Board Logo telh zel turin kan duh a, Chuvangin, Mizo sawhthing thar chu a tha bik tur a ni a, belh chian a dawl tur a ni," a ti bawk a ni.
Programme ah hian Pi Vanlalramchhani Chhangte, Faculty, Post Harvest Technology, SAMETI chuan sawhthing zai lep dan leh a tih ro dan zirtirna a nei a, Pu Omkar, Brightflame Food & Agriculture chuan ro hralh dan kalphung chungchangah zirtirna neiin, Pi Lalawmpuii, CDAR chuan Practical Training a pe a, Pu Sumit Pariwal, Organic Affairs Company in sawihona hun a kaihruai bawk a ni.
Training Programme hman zawhah Adviser to CM Dr. KC Lalmalsawmzauva hian Delhi leh Jharkhan lam atanga Ginger Processing Company lo kalte nen inkawm hona te neiin, Mizorama Ginger Processing Plant din dan tur leh Kuthnathawktu te dawm kan na tur Central Policy hrang hrang sawihonate an nei bawk a ni.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: