Aizawl | April 15, 2025: Govt. Zirtiri Residential Science College (GZRSC), Durtlang Leitan a zirlaite chuan an zirtirtu sawn chhuah tur thlavang hauhvin vawiin chawhma khan thuziak chi hrang hrang kengin College kawtah lungawi lohna lantirin an pungkhawm.
Hetah hian tun hnaia an zirtirtu thenkhat te rin loh taka pawn lam atanga luahlan an ni hi an hriatthiam loh thu an au chhuahpui a. Heng thil thleng hian zirna boruak a ti chhia a, tun hnuah chuan Zirtiri College-ah hetiang boruak duhawm lo hi thleng tawh lo se an duh thu Zirtiri College zirlaite chuan an sawi.
Thudawnnain a sawi danin, GZRSC atang sawn tur hi Botany atangin Dr Lalthanpuii Hnamte a ni a, zirlai kum tawp dawn a ni tawh a, zirtirtu sawn hi an zirna nghawng thei a nih avangin zirlaite'n an duh lo niin Explore Mizoram chuan thu a dawng.
.jpeg)
"Kum tirah transfer a awm tawh a, a nghehna tur a transfer a nih loh mai bakah, Zirtirtu an transfer tak chhungkaw thil vang leh college thil vanga kan mamawh lutuk zirtirtu a ni ma. Tuna min transfer sak tur pawh hi 2020 a an rawn sawn chauh a nia. Chumai bakah college activities leh club a kan rinrawl ber an nia. Heng kan Zirtirtu an transfer te hi kan rinrawl ber ber an thur chhuak nalh nalh a zirlai te zirna a nghawng thin." tiin Zirtiri College zirlaite chuan Explore Mizoram an hrilh.
"Transfer post to post ang hi an duhthu a nih loh chuan a la awm vak ngailo ni ten kan hria a, tin, a nghehna tur nilo pawh a sawn tawp te a awm a. Zirlaite zirna nghawng thei thil a nia. Kan duh lova, kan tang na khawp mai." an ti bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: