Ration Buhfai sem chungchanga Food, Civil Supplies & Consumer Affairs Department thuchhuah

byAdmin — 0
Aizawl | April 21, 2025: Mizoram Sawrkar Food, Civil Supplies & Consumer Affairs (FCS&CA) Department chuan vawiin khan Buhfai Ration sem chungchangah thuchhuah siamin, mipuite hnena buhfai an sem thin chu thla tin a hma lama sem tura theihtawp an chhuah zel thu an tarlang. 


April 2025 thla hian Buhfai lam inchhek khawl a that viau laiin Ration sem a tlai ta deuh tih tarlangin, Food, Civil Supplies & Consumer Affairs Department chuan hemi chungchang hi a chhan mipuite'n hriatpui se an duh a, hetiang hian a chhan hrang hrang an tarlang:-
1. Thla tina Ration semna tur hian Software 3 (pathum) hman thin a ni chhungte chu RCMS, FEAST leh AePDS te an ni.

2. Tuna Central Sawrkar project kalpuiah hian heng Software 3 te hi hlawm khata siam tum a ni - SMART-PDS ti a vuah a ni tawh dawn a ni.

3. SMART-PDS application hi la tih fel chiah a la ni lova, software hman lai RCMS (ration card siamna) ber phei chu Central Sawrkar lamin a la thla tawh a, a thar a la tlangzarh bawk si lova, tunlai hian ration card pawh siam theih a ni lo a ni.

4. Ration semna ber AePDS pawh hi hmang tawh lo turin Central Sawrkar chuan State sawrkar a hrilh a, amaherawhchu SMART-PDS hnuaia ration semna bik hi peih fel a la ni bawk si lova, State Sawrkar-in peih fel mai tura ngaiin a ngaichanga, thla chanve a tlin hnuah pawh peih fel a la nih tak si lovah chuan AePDS ngai bawk chu hman leh rih dil a ni.

5. April ni 19, 2025 (Inrinni) khan NIC HQ lam nen indawr niin, an ni hian AePDS hmanlai/hlui chu an rawn tinung (ON) leh ta a ni.

6. Vawiin April 21, 2025 (Thawhtanni) atang hian ration sem tan tur a ni a. Mipui hriatthiamna kan ngen e.






• • • • • • 
Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post