Aizawl | April 5, 2025: Local Council leh NGO lian pathum - YMA, MHIP leh MUP te telna Ramhlun North Joint Committee chuan Ruihhlo kaihhnawiha man Henry Lalbiakzinga nupui Lalrammawii hnenah Ramhlun North-a an dawr khar turin an hriattir.
Ramhlun North Joint Committee chuan, "Ram Ieh khawtlangin a do ruihhlo kaihhnawih hlawm lian taka sumdawng nia hriat Henry Lalbiakzinga H/o Lalrammawii man a ni hi tha an ti a. Hetiang a nih avang hian Ramhlun North Industry penga In dawr Chhundeng Outfit (First Cry) hi kan veng a awm reng chi ah kan ngai lo," an ti a.
He dawr hi, Ramhlun North Joint Committee - Local Council, YMA, MUP leh MHIP thukhawm chuan Ni 7 April, 2025 Thawhtanni atangin khar nghal nise an ti.
Ramhlun North Joint Committee chuan, Ram leh khawtlang duh loh ruihhlo leh thil dik lo a sumdawng Ramhlun North-ah an awm a nih chuan an veng atanga inthiar fihIim turin an chah nghal bawk a ni.
He hriattina hi Ramhlun North Local Council Chairman Lalmalsawma, YMA Ramhlun North Branch President Laldingliana Sailo, MHIP, Ramhlun North President Lalmuankimi leh
Mizoram Upa Pawl Ramhlun North Branch President Vanlalnghaka Zote ten hming an ziah hnan a ni.
Tarlan tawh angin, April 3 khan, Kulikawn VC leh NGO te pawhin, an veng chhunga Henry te dawr chu khar turin an lo hriattir tawh a, het hian veng pahnihin an veng chhunga dawr khar turin an hriattir tawh a. Henry te awmna veng lam erawhin thawm an neih hriat a la ni lo.
RAMHLUN NORTH JOINT COMMITTEE, 2025
Ramhlun North, Aizawl Mizoram
To,
Lalrammawii
W/o Henry Lalbiakzinga,
First Cry, Ramhlun North
Subject: Dawr khar tura hriattirna
Romhlun North Joint Committee hmingin chibai kan buk a che.
Ram Ieh khawtlangin a do ruihhlo kaihhnawih hlawm lian taka sumdawng nia hriat Henry Lalbiakzinga H/o Lalrammawii man a ni hi tha kan ti a. Hetiang a nih avang hian Ramhlun North Industry penga In dawr Chhundeng Outfit (First Cry) hi kan veng a awm reng chi ah kan ngai lova.
Ramhlun North Joint Committee - Local Council, YMA, MUP leh MHIP thukhawm chuan Ni 7 April, 2025 Thawhtanni atangin khar nghal nise kan ti.
Tin, Ram leh khawtlang duh loh ruihhlo leh thil dik lo a sumdawng Ramhlun North-ah kan awm a nih chuan kan veng atanga inthiar fihIim turin kan chah nghal bawk a ni.
Lalmalsawma
Chairman,
Ramhlun North Local Council
Laldingliana Sailo
President
YMA Ramhlun North Branch
Lalmuankimi
President
MHIP, Ramhlun North
Vanlalnghaka Zote
President,
Mizoram Upa Pawl
Ramhlun North Branch
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: