Aizawl | April 9, 2025: MZP Bairabi-in ram leh hnam tan innghahna tlak SDO (C) min dahsak turin sawrkar an ngen.
PRESS RELEASED
MZP Sub-Hqrs; Bairabi
MZP/SUB-HQRS/BBI/PR/03
Dated Bairabi : 09/04/2025 (Nilaini)
Ni 12 March 2025 (Nilaini) khan MZP Sub-Hqrs;Bairabi chuan DC Kolasib hnena thu a lo then tawh, Bairabi SDO (C) chungchang ah tun thlenga hmalakna emaw chhanna a hmuloh avangin a hrethiam lo hle a ni.
Pi Josephine Zonunsangi SDO (C) Bairabi, hi kumin 2025 January aṭanga vawiin Ni 9 April 2025 thlenga a Office-ah dawr theiha ala awm lo leh Bairabi mipuite leh a hnuaia Department hrang hrang ten harsatna/buaina kan tawh chang a tam a, ama Office-ah dawr tur a awm ngailo hi MZP Sub-Hqrs;Bairabi chuan pawi kan ti hle a ni.
Civil SDO chungchang ah hian Pu Robert C Lalhmangaiha DC Kolasib chu a Office ah MZP Sub-Hqrs;Bairabi ten kan dawr hma hian phone call pawnin Pi Josephine-i SDO (C) in rei tak Pisa a kai/nghak tawh lo chu achhan leh avangte zawtin Pu Robert-a DC Kolasib chu MZP Sub-Hqrs; Bairabi chuan a lo be tawh a. Khawtlang huap pawh a lungawilohna sawi atam tak em avangin MZP Sub-Hqrs;Bairabi chuan hma ala chhun zawm zel dawn.
Bairabi SDO (C) ni mek Pi Josephine-i hian tun hnai ah leave a la tih kan hria a, leave a lak chhunga incharge la tur hnen ah charge a hlan lo te hi hriatthiam harsa kan ti hle a ni.
Committee neih changa NGO hruaitute leh VC te a dawnsawn dan ah pawh hian kan lawm tawh lo hle a, hetianga SDO (C) awmlo reng hian hmalakna tur leh hmasawnna tur kawng tam takin ati ṭhuanawp nasa hle a.Tin, hetiang Officer khawtlang hruaitu, NGO's, Dept, khawtlang mipuite harsatna ngaihsak lo leh thawhpui ṭha duhlo mi hi MZP Sub-Hqrs;Bairabi chuan en liam mai mai a tum tawh lo a ni.
Pi Josephine-i awm loh chhunga aiawh tur hi, kan Sawrkar chak tak hian tunkar ral hma ngei hian dah se kan ti a, SDO(C) thar mahni hna ngaipawimawh leh mawhphurna hlen ṭhin mi dah ngei nise. Tin, Bairabi hi State Boundary a awm kan ni a, engtik lai pawh a ramri (boundary) issue thleng thei reng a nih avangin Civil SDO ṭha kan mamawh takzet a, ramri dep a awm kan nih avangin MZP Sub-Hqrs;Bairabi chuan kan Sawrkar chak tak hian ngaipawimawh a, kan ram leh hnam tan innghahna tlak SDO (C) min dahsak turin MZP Sub-Hqrs; Bairabi chuan kan sawrkar a ngenin a beisei a ni.
MZP Sub-Headquarter’s Bairabi chuan Zirlai, khawtlang, ram leh hnam tan hma ala zel dawn a ni.
‘Ṭan rual hi chakna’
Issued by;
MZP Sub-Headquarters Bairabi
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: