Aizawl | April 28, 2025: Vawiin khan Mizo Hnam Run chhung inkhawm neih a ni a. Hun hnihna political session-ah MNF President Zoramthanga chuan thusawiin, Mizo hnam damchhuahna awm chhun chu nationalism a ni, a ti.
Zorama chuan, “Israel-te pawh nationalism banga inhung tur an nih laiin an inhung phui zo lova hnam sawm an ral. Kum 2000 an vahvaih hnuah Juda leh Benjamin hnam tlem (Isarel)-te an dingchhuak a. Kum 1948 khan an nationalism-in a dinchhuahtir chauh a ni," a ti.
MNF President chuan, “Pathianin keini hnam tlem te pawh ram min pe a. Khawchhak atanga lo tla thlain ram, hnam leh lal thuthlung nen kan nationalism chu kum 1966-ah a lo tho ta a. Kum 20 chhung hnam thinlung thisena baptis-in a awm a. A tawpah kum 1986-ah inremna kan lo nei ta a ni.
“He hnam thinlung (nationalism) hi a rei tulh tulh a, hnam tlem zawk tan chuan a hlu tulh tulh a. Dam chhuahna awm chhun a ni. Kan chhehvel en ila nationalism tel lo chuan hnam engzat nge buai tawh? Kan hnam martar-te thisen hlutna hi a rei tulh tulh anga kan hre tulh tulh dawn a ni,” a ti. Pu Rama chuan a lehkhabu ziah (Autobiography) chu khawvel lehkhabu publisher hmingthang tak Penguin Publisher chuan an publish sak tur thu a sawi a. He lehkhabu hi MNF din tirh atanga Inremna lo thlen thlenga MNF history kim chang taka ziak a ni. Ram buai hma history te, ram buai hnu history te, East Pakistan- a awm lai leh Dacca fall lai te, Arakan ngawpui atanga Akyab, Rangoon, Karachi leh Islamabad-a an escape thu te a ni a. Chu bakah inremna tura inbiakna history kim chang tak te a ni. China ram kal, Delhi atanga escape thu leh India sawrkar-in Pu Laldenga sawrkar thlak tuma an beih leh inthlim kual vel dan te a ni. Zirlai ten an chhawr tangkai ngei a rin thu a sawi bawk.
Chhung inkhawm hi MNF GHQ PAC & Legal Board Chairman C Lalramzauva'n a kaihruai a. Ex MLA & Adviser MNF Gen Hqrs Sanghmingthanga H Pautu chuan hunserh a hmang bawk a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: