Kuhva man sa tihral chungchangah Koalsib bawrhsap leh MNYF hruaitute inkawm

Kolasib | April 24, 2025: Vawin khan Kolasib DC Conference Hall-ah Mizo National Youth Front (MNYF) General Headquarters hruaitute leh Kolasib District- a MNF thalaite chuan Thingdawl Polytechnic-a kuhva ro Kolasib District Magistrate-in a tihral chungchang bawhzuiin, a hmunah kalin an rawn enfiah.

Hetah hian Kolasib SDO(Sadar) H Lalramliana leh Sr. SP Kolasib David H. Lalthangliana ten lo dawngsawngin, hun eng emaw chen inbiakna neih a nih hnuah MNYF hruaituten an duh angin Polytechnic Building-a kuhva dah khawm mekte pawh kawngkhar hawngin an en fiah a ni.

Hemi hnu hian Kolasib DC Conference Hall-ah Bawrhsap Robert C Lalhmangaiha hovin meeting neih leh a ni a. Hetah hian MNYF hruaitute chuan kuhva tihral chungchanga zawhna an neih te zawtin, Kolasib Bawrhsap chuan a hmalak dan a chin chhuakin a hrilh.

Kuhva ro chu DC-in khapna thuchhuah, (Prohibitory Order) a tihchhuah hmanga man a nih dan te, District Court-in District Magistrate hnenah kuhva man sate tihral (dispose) tura thuneihna a pek anga tihral a nih thu leh, tihralna tura kalphung tha bera a hriat angin District Magistrate-in hma a lak dan te sawi fiah a ni a. Hei bakah hian Vairengte Kudam (Godown) atanga kuhva rah bag bo chungchanga hmalak a nih dan leh thil awmdan, Deputy Magistrate Prohibitory Order tihchhuah hma avanga hma lak chhunzawm a nih loh dante pawh Kolasib SP David H Lalthangliana'n a sawifiah a ni.

Hemi hnu hian MNYF hruaituten an dil angin Thingdawl Polytechnic-a kuhva ro chungchanga court thurel te, District Magistrate-in tiral tura hma a lak dan leh auction a nihnaa lehkha pawimawhte chu Kolasib Bawrhsap Robert C Lalhmangaiha chuan MNYF hruaitute hnenah hian a hlan niin thudawnna chuan a tarlang.

Hei hi tun hnaia Hachhek bialtu MLA Robert Romawia Royte-in Kolasib DC hnenah zawhna a siam chhanna a ni nghal bawk a ni.

• • • • • • 

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ