Aizawl | April 4, 2025: Vawiin April ni 4, 2025 khan Congress Party chuan Congress Bhavan Golden Hall-ah Political Session hun hmangin MPCC President Lal Thanzara chuan thu a sawi.
Lal Thanzara chuan, nimin lawkah Vanapa Hall-ah AR sawn chhuah ZPM party in an lawm a. Rajiv Gandhi Aizawla a lo kallaia AR sawn chhuah lo diltute leh Pu Rajiva'n a tiamte kha ZPM hi chu an ni lo. Khami kal zelah ZPM sorkar laiin an insawnchhuak mai a ni. ZPM sorkar hi awm mai mai mahse an chhuak dawn tho. Congress party in engmah thawh neilo anga min sawite phei hi chu chunglamin thudik a hria. Congress Sorkar laiin Assam Rifles te sawn chhuak turin theihtawpin hma kan la. Nimahsela, Sorkarah demand siamin Karkhat chhungin tui litre nuai 4 leh sing 5 pe turte, Electric chungchangah pawh demand sang tak an nei a. Keini chuan, kan mipuite pawh hetianga tam tui kan pe thei lova chuvangin kan tihhlawhtlin sak thei lo che u, kan ti a. Tin, an chenna buiding zawng zawng pawh Sorkarin khul turin min ti a. Keini chuan kan mamawh ve lo, in duh leh thiat vek ula, a hmanrua pawh la vek rawh u, kan ti a. Vawiin niah ZPM Sorkarin chung thilte chu tihsak vek an intiam a. Assam Rifles in sawn chhuak hi a lawmawm viau rualin a lawm erawh a kim lo a ni, a ti.
MPCC President chuan, NLUP chungchang sawiin vawiin ni thlenga NLUP chhawr tangkaia chhungkaw engemaw zatin eizawnna ngialnghet an neih phah chu lawmawm a tih thu sawiin Lal Thanzara chuan, report kan dawn danin heng NLUP chhawrtute zingah MNF leh Party dang mi engemaw zat an tel ve hian Congress Party in miretheite chawi chhuah a tum tak tak zia a tarlang chiang hle a. MNF Party ten SEDP an sem erawh hlawhtlinpui pakhatmah ka hre lo a ni, a ti.
Health Minister lo ni tawh Lal Thanzara chuan, tuna ZPM Sorkarin Health Care a kalpui dan turah mipui leh Sorkar hnathawk atangin pawisa tam tak lak sak tumna a awm a. A chhawr tangkaitu tur mirethei tak tak zawkte hian he Health Care hi an chhawr tangkai thei angem tih hi ngaihtuah tham tak a ni a. Pathian leh mipuite zara Congress Party kan Sorkar hunah mipuite tlin tawk Health Care kan kalpui dawn a ni, a ti.
Vanglaini chanchinbuin sawhthing lei chungchang a rawn tarlan chungchang chu sawiin Pu Lal Thanzara chuan Aizawl District bikah qtl 2,761 lei tawhin la lei loh hi qtl 26,759 a awm tih a sawi a. Tun hnaiah kan CM leh Finance Minister ni bawk chuan Vaibelchhe 1,090 lai mai sum hman ban an neih thu a sawi a. He an sum hman ban atang hian Sawhthing leh hmunphiah te hi lei sak ngei turin ka phut a ni a ti.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
MPCC President chuan, kan hmalawkah Lai Autonomous District Council inthlan kan hma chhawn dawn a, tin, nakum lamah AMC Inthlan kan hmachhawn dawn bawk. Heng a Candidate turte buaipui tur Search Committee pawh kan indin chho mek a ni. Kan hotute ka chah nawn fo duh chu heng Candidate turte a tan hian Kohhran a mi tangkai, khawtlang a mi hming tha, mi rinawn, zu leh hlemhletna lak a fihlim, Pathian tih mi, rawn sawm chhuak turin ka ngen a che u a ni, a ti bawk.
He Political Session hi Pu Albert Lalthlamuana, Chairman, Higher Education Cell, MPCC chuan kaihhruaiin Pi Lalrintluangi, Secretary, MPCC, Pu Lalhmingthanga Pachuau, President, MPCC leh Pi Lalnilawmi, Secretary, MPCC te chuan report an pe bawk a ni.
Post a Comment
He post chungchanga i ngaihdan lo sawi ve rawh: