Aizawl | April 9, 2025: All India Congress Committee (AICC) Intawhkhawmna (Convention) April 8 - 9, 2025 chhunga Ahmedabad, Gujarat-a neih-ah Mizoram aṭangin MPCC President Lal Thanzara, MPCC Treasurer Dr.Lalmalsawma Nghaka, MPCC Adviser leh All India Adivasi Congress Committee Member Zodintluanga, MPCC Gen.Secy i/c AICC & AICC Member CS Thanga, MPCC Gen.Secy & AICC Member Dr Lallianchhunga, All India Professional Congress (AIPC) Mizoram Chapter President Dr. Henry Zodinliana Pachuau te an tel a. AICC Convention hi Sabarmati Lui kamah neih niin, India ram state hrang hrang aṭangin AICC Member sing thum chuang an kalkhawm a ni.
Tun AICC meeting a thupui ber chu 'Nyay Path'- 'Path of Justice' (Dikna kalkawng) tih a ni. Tun a India ram a hnam hnuaihnug zawkte, mirethei te, tribal te leh sakhua tenau zawkte huap hmasawnna thupui a ni.
Gujarat hi nakuma inthlang tur an nih avang leh India ram hruaitu ropui tak tak, Mahatma Gandhi leh Sardar Vallabbhai Patel-a te pianna hmun a nih avangin Congress party chuan he state aṭang ngei hian kum 2027 Gujarat inthlanpui a chak ngei turin thapui a thawh tan a, mipuite nen an inhnaihin an inlaichinna pawh a tha chho hle. Grassroot politic tak tak an kalpui a, Gujarat mipuite pawhin Congress party ah rinna an nghat tan a ni. India Prime Minister rawn chhuahna state ngei Gujarat ah Congress Party in hnehna chan theih ngei beisei a ni a, kum 2029 Lok Sabha Election lo awm tur a tan inbuaitsaihna bul tan nan grass root politics pawimawhna te sawi a nia, infuihtharna hun hlawkthlak tak hman a ni.
Tun AICC meeting a thupui ber chu 'Nyay Path'- 'Path of Justice' (Dikna kalkawng) tih a ni. Tuna India rama hnam hnuaihnug zawkte, mirethei te, tribal te leh sakhua tenau zawkte huap hmasawnna thupui a ni. Thusawitu hrang hrang ten Narendra Modi-a hun a liam ṭan thu te, an inbeisei anga BJP in kum 2024 Lok Sabha inthlanpui a hnehna an chan theih loh dan te, BJP rorel danin India ram inpumkhatna a tihchhiat mêk dan te, Hindu kulmuk ten hnam tlem zawk leh sakhaw tenau zawk te an ngaihtheih loh tulh tulh thu te an sawi a; India ram hi ram nuam taka siam kan duh chuan BJP rorelna paihthlak a ṭul a, chumi tithei tur chuan Congress party tihchak angaih thu te an sawi uar hle.
Convention Ni 1-na, April 8 ah Congress Working Committee (CWC) Extended Meeting neih a ni a, hetah hian Pu Lal Thanzara, President, MPCC pawh a tel a; tlaiah Mahatma Gandhi chenna hmun ṭhin, Sabarmati Ashram-ah Prayer Meeting neih a ni bawk. April 9, 2025 hian Sabarmati luipui kamah AICC Convention buatsaih a ni a. Hu hunah hian Rahul Gandhi, Sashi Tharoor, Sachin Pilot leh India ram chhunga Congress party hruaitu ropui tak tak ten thusawina an nei a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: