Aizawl | March 11, 2025: Zo Re-Unification Organisation (ZORO)-in Zofate inpumkhatna kawng dal thei leh inunauna tichhe zawnga Social Media lama thusawi/thuchhuah thin pawi ti.
Zo Re-Unification Organisation (ZORO) chuan vawiin khan thuchhuah siamin he thu hi an tarlang a, "Tun hnaiah Zofa ten inpumkhatna kawng kan zawh mek laia Zofate inpumkhatna kawng dal thei leh kan inunauna tichhe zawnga Social Media lama thusawi/thuchhuah thin kan awm chu ZORO chuan pawi a ti," an ti a.
ZORO chuan, Hetiang ti thin te chuan, kan hnam tan nghawng tha lo tak thlen chhunzawm thei thil a nih avangin lo fimkhur a, social media hmanga inbeih tawnna thuchhuah emaw Video lo siam tawh lo turin mi tin a ngen a ni.
"ZORO chuan khawvel hmun hrang hranga Zofate kan inpumkhat a, kan insuihkawm lehna turin hma a la zel dawn a ni." an ti bawk.
ZORO chuan, "Zo Re-Unification Organisation (ZORO) chu khawvel ram hrang hrang (India, Myanmar, Bangladesh) awm Zofa, thendarh a awm tawhte Chin Lushai Conference rorel dungzui a kan insuihkhawm leha rorelna pakhat hnuaia kan awm lehna tura hma la tu turin din a ni. Zofate kan inpumkhat theihna tur leh kan hnam in dikna chanvo kan neih ve theihna tura atul ang zela hmalatu a ni a. ZORO chu a dinna ngaiah a ding reng a, tharum thawhna tel lova dikna chanvo kan chan theuh theihna turin, Chin Lushai Conference 1892 Thurolum No.1 dungzui leh United Nation Declaration on the Rights of Indigenous People (UNDRIP) 2007 in a sawi angin, India, Bangladesh leh Myanmar Sawrkar awpna hnuaia awm mek Zofate chu rorelna pakhat hnuaia awm turin hma a la zel ang. A tawp thlengin kan dikna chanvo kan hmuh hma chu, kan hnam tan, kan ram tan Zo Re-Unification Organisation (ZORO) chu a ding zel dawn a ni." an ti bawk.
ZORO PRESS RELEASE
Zo Re-Unification Organisation (ZORO) chu khawvel ram hrang hrang (India, Myanmar, Bangladesh) awm Zofa, thendarh a awm tawhte Chin Lushai Conference rorel dungzui a kan insuihkhawm leha rorelna pakhat hnuaia kan awm lehna tura hma la tu turin din a ni. Zofate kan inpumkhat theihna tur leh kan hnam in dikna chanvo kan neih ve theihna tura atul ang zela hmalatu a ni a. ZORO chu a dinna ngaiah a ding reng a, tharum thawhna tel lova dikna chanvo kan chan theuh theihna turin, Chin Lushai Conference 1892 Thurolum No.1 dungzui leh United Nation Declaration on the Rights of Indigenous People (UNDRIP) 2007 in a sawi angin, India, Bangladesh leh Myanmar Sawrkar awpna hnuaia awm mek Zofate chu rorelna pakhat hnuaia awm turin hma a la zel ang. A tawp thlengin kan dikna chanvo kan hmuh hma chu, kan hnam tan, kan ram tan Zo Re-Unification Organisation (ZORO) chu a ding zel dawn a ni.
Tun hnaiah Zofa ten inpumkhatna kawng kan zawh mek laia Zofate inpumkhatna kawng dal thei leh kan in unauna tichhe zawnga Social Media lama thusawi/thuchhuah thin kan awm chu ZORO chuan pawi a ti a. Hetiang ti thin te chuan, kan hnam tan nghawng tha lo tak thlen chhunzawm thei thil a nih avangin lo fimkhur a, social media hmanga inbeih tawnna thuchhuah emaw Video lo siam tawh lo turin ZORO chuan mi tin a ngen a ni. ZORO chuan khawvel hmun hrang hranga Zofate kan inpumkhat a, kan insuihkawm lehna turin hma a la zel dawn a ni.
(L. RAMDINLIANA RENTHLEI)
General Secretary
No. ZORO-GHQ/2022-25/D-52 Dated Aizawl, the 11th March, 2025
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: