Aizawl | March 17, 2025: Rev Dr. Zaichhawna Hlawndo lehkhabu ziah, 'Zawlnei Isaia Lehkhabu a Pathian Thurûk Inthup,' tih chu inrinni khan tlangzarh a ni.
He lehkhabu tlangzarhna hi Lily Veng Presbyterian Kohhran Hall ah hman a ni a. Rev. H. Lalzuilianan a kaihruai a, Upa Dr. Lalzaman hunserh a hmang a, Rev. Zosangliana Colney in lehkhabu thlirlawkna hun a hmang.
He lehkhabu hi Bible hrilhfiahna dang ang lo takin Isaia bu tun huna Zofa ringtuten kan chhawr ṭangkai theih tura ziah a nih thute a sawi. Pu Zaichhawna Hlawndo nen Synod Mission Board hnuaia rawngbawlna an lo thawhho dan te, USA a awm laia Synod rawngbawlna atana hma a lo lakna azara CRC World Mission te nen thawhhona ṭha tak Synod in a neih thute a sawi a, Pathian hruaina ang zela kohna dawnga Mizoram a lo hawn thute a sawi tel bawk. Lehkhabu tlangzarhtu Rev. Dr. K. Lalrinthanga chuan sapho ten an mahni tan leh an hnamze mila hrilhfiahna bu an siam nilo, Bible hi Zofate ta a nihna hmanga Bible sawifiahna bu a nih thu te a sawi. Lehkhabu ziaktu Pu Zaichhawna Hlawndo pawhin thu sawiin 'He lehkhabu hi ama thiamna leh finna hmanga ziah a nih loh thu te, Pathian Thlarau Thianghlim kaihhruaina a a ziah a nih thute a sawi bawk. The Hlawndo Sisters in Pathian fak hla sa in, Rev. G. Chhunṭhuaman malsawmna in programme a ṭin. Lehkhabu hi cheng ₹400 man a ni a, lehkhabu dang Zoram Encyclopaedia chu English ṭawnga a ziah mek thu Pu Zaichhawna chuan a sawi lang nghal bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: