YMA Kulikawn Vengthlang Branch-in an veng mi laka misualte chet dan dem

Aizawl | March 26, 2025: YMA Kulikawn Vengthlang Branch chuan thuchhuah siamin, an veng mi laka misualte chet dan an dem.

YMA Kulikawn Vengthlang Branch chuan, "Chhun pachang lai ngeia ruahmanna fel tak nei, pawikhawih tum sa ran, Bolero Registration No plate pawh pawnchhia-a khuh thlapin, Baseball bat leh hmanraw dangte kenga hetianga veng dang mi, kan vengchhunga an rawn che hi tha lo kan tiin him lo kan ti a, heng misual rual te chet dan hi kan dem tak zet a ni." an ti a.

 "March ni 22, 2025 (Inrinni) a Central YMA in `Ruihhlo do hnatlang' neia Branch time hmala tura min hriattirna bawhzuina ah, Kulikawn huamchhungah mi pakhat chu damdawi (Ruihhlo) a zawrhlai nen man a ni a, Kulikawn Vengthlang Branch YMA member pakhat chu a hektuah puhin, a tuk March ni 23, 2025 (Pathianni) chawhma dar 11:00 AM bawr velah Bolero, Bike leh Scooter hmang a hmaituam rual lo kalin, Kulikawn Vengthlang Branch YMA member, hektu a an puh hi an in atanga ko chhuakin an in piah lawkah kut an thlak rawn chiam a, inkhawm bangin an hmuh tak avangin misualte hi rang takin an in saseng ta a ni." tiin thil thlen dan an tarlang.

March ni 23, 2025 (Pathianni) zan khan Kulikawn Local Council huamchhunga Branch YMA pathum hruaitute leh Kulikawn VDP Unit hruaitute chu Kulikawn Police Station-ah kalin FIR  an theh lut nghal a, Police-te hian chak taka hma la nghalin heng hmaituam pawi khawihtute zinga mi thenkhat chu a zan la la hian an man nghal a, Kulikawn Police-te leh Officer-in-charge te chungah Kulikawn Vengthlang Branch YMA chuan lawmthu an sawi.

YMA Kulikawn Vengthlang Branch chaun, "Heng hmaituam mal, pawi khawihtute hi man kim vek a, an phu tawk hremna pe ngei turin thuneitute kan phut a ni." an ti a.

"Kulikawn Vengthlang Branch YMA chuan hetiang thil hi thleng tawh lo se a duh takzet a, tun hnuah hetiang thil hi a thleng leh a nih chuan na tak leh chak takin hma a la zel dawn a ni." tiin an thuchhuah chuan an tarlang.

PRESS RELEASE

March ni 22, 2025 (Inrinni) a Central YMA in `Ruihhlo do hnatlang' neia Branch time hmala tura min hriattirna bawhzuina ah, Kulikawn huamchhungah mi pakhat chu damdawi (Ruihhlo) a zawrhlai nen man a ni a, Kulikawn Vengthlang Branch YMA member pakhat chu a hektuah puhin, a tuk March ni 23, 2025 (Pathianni) chawhma dar 11:00 AM bawr velah Bolero, Bike leh Scooter hmang a hmaituam rual lo kalin, Kulikawn Vengthlang Branch YMA member, hektu a an puh hi an in atanga ko chhuakin an in piah lawkah kut an thlak rawn chiam a, inkhawm bangin an hmuh tak avangin misualte hi rang takin an in saseng to a ni. Chhun pachang lai ngeia ruahmanna fel tak nei, pawikhawih tum sa ran, Bolero Registration No plate pawh pawnchhia-a khuh thlapin, Baseball bat leh hmanraw dangte kenga hetianga veng dang mi, kan vengchhunga an rawn che hi tha lo kan tiin him lo kan ti a, heng misual rual to chet dan hi kan dem tak zet a ni.

March ni 23, 2025 (Pathianni) zan khan Kulikawn Local Council huamchhunga Branch YMA pathum hruaitute leh Kulikawn VDP Unit hruaitute chu Kulikawn Police Station-ah kalin FIR theh luh nghal a ni a, Police-te hian chak taka hma Ia nghalin heng hmaituam pawi khawihtute zinga mi thenkhat chu a zan la Ia hian an man nghal a, Kulikawn Police-te leh Officer-in-charge to chungah Kulikawn Vengthlang Branch YMA chuan lawmthu a sawi tak meuh a ni.

Heng hmaituam mal, pawi khawihtute hi man kim vek a, an phu tawk hremna pe ngei turin thuneitute kan phut a ni. Kulikawn Vengthlang Branch YMA chuan hetiang thil hi thleng tawh lo se a duh takzet a, tun hnuah hetiang thil hi a thleng leh a nih chuan na tak leh chak takin hma a la zel dawn a ni.

(LALHMINGLIANA) (LALNUNMAWIA)

President, Secretary,

Kulikawn Vengthlang Branch YMA Kulikawn Vengthlang Branch YMA.