YMA Electric Veng Branch-in YMA Chhang Zan an hmang

Aizawl | March 27, 2025: Young Mizo Association (YMA) Electric Veng Branch hmalaknain zanin khân Electric Veng YMA Hall-ah YMA Chhang Zân an hmang a, YMA Chhang te hian Hnam lâm hrang hrang - Tlanglâm, Sawlakia, Châi, Sarlamkai leh Cheraw an entir bâkah Vakulchang Cultural Club, Electric Veng te'n hnam lam an entir bawk a ni.

YMA Chhang te hi YMA Chhang hruaitute'n March ni 3 aṭangin nitin thawhṭanni aṭanga zirtawpni thleng zing dar 10:0 ah ṭan in dar 2:00 thleng hnam hla leh Hnam lam zirtirna hun an neihpui ṭhin a, heng bakah hian Pathian thu te, Nun dan mawi te, Aia upa zah chungchang te bakah tleirawl kum 8 aṭanga kum 14 te tan hriselna (Hmeichhiatna) kawngah an in enkawl thiam theih nan te zirtirna pek an ni in naupang te Sports neihpui an ni bawk.

Social Welfare Department District Child Protection-te sawmin naupang te dikna leh chanvo chungchang zirtirna pek an ni bawk.

He hun hi Central YMA aṭangin Treasurer Roneihthanga leh Kumpuan Sub-Committee Secretary HF Lalrinpuia ten an telpui a ni.

Electric Veng YMA hruaitu, vengchhung nu leh pa te leh naupang te'n chuan YMA Chhang zân hun hman hi an hlawkpui hle a, chhunzawm zel tlakah an ngaih bakah nikum 2024 pawh khân Electric Veng Branch YMA hian YMA Chhang zan hi hlawhtling takin an hmang tawh bawk.