World Theatre Day 2025 lawmna hun hmang; 'Chantual Piahlam' (Beyond a play) lehkhabu tlangzarh

Aizawl | March 27, 2025: Vawiin March 27, 2025 khan Mizo Drama Society (MDS), Mizo Department, MZU leh Hrangbana College te tangkawpin an buatsaih World Theatre Day 2025 lawmna chu I&PR Auditorium, Aizawl-ah hman a ni.

He hun hi Art & Culture Department Director Carol VLMS Dawngkimi'n Khuallian niin a hmanpui a. Professional Comedian H Rotluanga chu Khual zahawm a ni thung.

Carol VLMS Dawngkimi chuan Mizo Drama Society buatsaih 'Chantual Piahlam' (Beyond a play) lehkhabu a tlangzarh a. Drama chu inzirtirna leh kawng inkawhmuhna atana hmanraw heiham tak, khawgtlang nun siamthatna leh Ram leh Hnam inkaihruaina kawngah pawh hman tangkai theih a ni a ti.

Director hian Art & Culture Department hnuaia Institute of Music and Fine Arts (IMFA) ah thla 3 course Drama zirna hawn a nih thu sawiin Drama lama tui mite te tan zir theih a ni a ti.

MDS President Lalrinngheta Pachuau-in inkhawm a kaihruai a, MDS Secretary Laltlanmawia'n report a pe a; Khual zahawm H Rotluanga'n thu sawiin World Theatre Day pual Drama inziahsiak lawman a sem nghal a ni.